ەكس-دەپۋتات ءمادي احمەتوۆ جاڭا قىزمەتكە تاعايىندالدى، دەپ حابارلادى الماتى وبلىسى اكىمدىگى. ول جاستار ساياساتى باسقارماسىنىڭ باسشىسى بولىپ تاعايىندالدى.
بۇعان دەيىن ءمادي احمەتوۆ Nur Otan پارتياسى (كەيىن Amanat بولىپ وزگەرگەن) جانىنداعى Jas Otan جاستار قاناتىنىڭ الماتى قالالىق فيليالىنىڭ ءتوراعاسى، حالىقارالىق بيزنەس ۋنيۆەرسيتەتىنىڭ قوعاممەن بايلانىس جونىندەگى مەنەدجەرى، حالىقارالىق اقپاراتتىق تەحنولوگيالار ۋنيۆەرسيتەتىندە دەكاننىڭ تاربيە جۇمىسى جونىندەگى ورىنباسارى قىزمەتتەرىن اتقارعان.
2019 جىلى قازاقستاننىڭ ەكس-پرەزيدەنتى نۇرسۇلتان نازاربايەۆ ەسكەرتكىشىن قويۋدى ۇسىنعان كەزدە تانىمال بولعان ەدى. ول "جاستار اتىنان" جاساعان ۇندەۋىندە ەسكەرتكىشتى نازاربايەۆ داڭعىلىندا تۇرعىزۋدى ۇسىنعان. كەيىن قاڭتار وقيعاسىنان كەيىن "قر-نىڭ تۇڭعىش پرەزيدەنتى – ەلباسى تۋرالى" كونستيتۋسيالىق زاڭىنىڭ كۇشىن جويۋعا داۋىس بەرگەن ەدى.
پىكىر قالدىرۋ