پرەزيدەنت قاسىم-جومارت توقايەۆ ناۋرىز ايىندا وتەتىن رەسەيدەگى پرەزيدەنت سايلاۋىنا قاتىستى پىكىر ءبىلدىردى. 

"رەسەيدە وتەتىن پرەزيدەنت سايلاۋى­نىڭ ءبىز ءۇشىن ءمانى زور ەكەنى ءسوزسىز. ويتكەنى استانا مەن ماسكەۋ اراسىندا وتە جوعارى دەڭگەيدە قارىم-قاتىناس ورناعان. رەسەي قازاقستاننىڭ نەگىزگى سەرىكتەسى ءارى وداقتاسى ەكەنى بار­شاعا ايان. وتكەن وتىز جىلدا مەم­لەكەت­ارالىق بايلانىستاردىڭ ىرگەسى بەكي ءتۇستى. ەكى ەل اراسىندا 300-دەن استام شارت پەن كەلىسىم جاسال­عان. بار­لىق سالاداعى ەكىجاقتى ىنتىماق­تاس­­تىق تەتىكتەرى جۇمىس ىستەپ تۇر. جوعا­رى دەڭگەيدەگى ساياسي ديالوگ قارقىن­دى دامىپ كەلەدى. ءبىز كوپجاقتى قۇرىلىمدار اياسىندا، سونداي-اق وڭىرلىك تۇراقتىلىق پەن حالىقارالىق قاۋىپسىزدىكتى قامتاماسىز ەتۋ بارىسىندا ىقپالداسا ارەكەت ەتەمىز"، دەيدى قاسىم-جومارت توقايەۆ. 

توقايەۆ قازاقستان مەن رەسەي اراسىنداعى تا­ۋار اينالىمى 2023 جىلدىڭ باستاپقى 10 ايىندا 21،4 ميلليارد دوللار بولعانىن ايتتى. 

"رەسەي فەدەراسياسىنىڭ الەمدىك سايا­ساتتا اسا ماڭىزدى ءرول اتقاراتى­نىن جانە بۇۇ قاۋىپسىزدىك كەڭەسىنىڭ تۇراقتى مۇشەسى ەكەنىن ۇمىتپاعان ءجون. رەسەي پرەزيدەنتى ۆلاديمير پۋتين – سوزىمەن دە، ىسىمەن دە جاھاندىق احۋال­عا ىقپال ەتەتىن تۇلعا. رەسەيدىڭ ۇستا­نى­مىمەن بۇكىل الەم ساناساتىنى جا­سىرىن ەمەس. بۇل مەملەكەتتىڭ قاتى­سۋىن­سىز دۇنيە جۇزىندە بىردە-بىر پروبلەما شەشىلمەيدى. ول ايدان انىق.

سوندىقتان رەسەي سەكىلدى الپاۋىت ەلدەگى پرەزيدەنت سايلاۋىنىڭ حالىقارالىق ءمان-ماڭىزى قاشاندا جوعارى جانە وعان الەمنىڭ كوپتەگەن ەلى نازار اۋدارادى"، دەدى پرەزيدەنت.