ورالدا ءدامحانادا بولعان جارىلىستان كەيىن 4 ادام جانساقتاۋ بولىمىنە ءتۇستى. وبلىستىق دەنساۋلىق ساقتاۋ باسقارماسىنىڭ باسشىسى ەرلان توقسانوۆتىڭ مالىمەتىنشە، وقيعا ورنىنان قالالىق كوپبەيىندى اۋرۋحاناعا 6 ادام جەتكىزىلگەن. بىرەۋى امبۋلاتوريالىق ەمگە جىبەرىلگەن. جەڭىل كۇيىك العان ءبىر ادام وسى اۋرۋحانانىڭ تراۆموتولگيا بولىمىنە جاتقىزىلدى.
"4 ادام جانساقتاۋ بولىمىندە جاتىر. اراسىندا ءبىر ناۋقاستىڭ وڭ يىعى سىنعان. ميى شايقالعان. قالعان ۇشەۋىنىڭ دەنەسىن 15%-تەن 52%-كە دەيىن كۇيىك شالعان. جاعدايى وتە اۋىر"، - دەيدى ەرلان توقسانوۆ.
زارداپ شەككەندەردىڭ ەكەۋى وزبەكستان ازاماتى. اۋرۋحانادا جاتقان بەس ادامنىڭ ۇشەۋى ەر، ەكەۋى ايەل ادام. بۇعان دەيىن وبلىستىق توتەنشە جاعدايلار دەپارتامەنتى جارىلىس بولعان جەردەن ەكى ادامنىڭ ءمايىتى تابىلعانىن حابارلاعان بولاتىن.
پىكىر قالدىرۋ