جەكە كاسىپكەرلەردىڭ وتكىزگەن تاۋارلارى مەن كورسەتىلگەن قىزمەتتەرى ءۇشىن قولما-قول اقشا تولەۋدى تالاپ ەتىپ، قولما-قول اقشاسىز تولەمدەردى قابىلداۋدان باس تارتا باستاعانىن مەملەكەتتىك كىرىستەر كوميتەتى مويىندادى.

كوميتەت وسىعان وراي قولما-قول اقشاسىز تولەمدەردى قابىلداۋدان باس تارتۋ زاڭسىز ەكەنىن ەسكەرتەدى.

• "تولەمدەر جانە تولەم جۇيەلەرى تۋرالى" ق ر زاڭىنىڭ نورمالارىندا ءارتۇرلى تولەم ادىستەرى – بانك كارتاسى، QR تولەمى نەمەسە قولما-قول اقشا قاراستىرىلعان (25-باپ).
• كاسىپكەرلەردىڭ تولەم كارتوچكالارىن پايدالانا وتىرىپ تولەمدەردى قابىلداۋدان باس تارتقانى ءۇشىن ءبىرىنشى رەت ەسكەرتۋ تۇرىندە اكىمشىلىك جاۋاپكەرشىلىككە تارتۋ، ال قايتالاپ زاڭ بۇزعانى ءۇشىن 147 680 تەڭگە (40 اەك) مولشەرىندە ايىپپۇل سالۋ كوزدەلگەن (ق ر اكىمشىلىك قۇقىق بۇزۋشىلىق تۋرالى كودەكسىنىڭ 194-بابى).