شەتەلدەن قازاقستانعا كەلىپ اناسىن ىزدەگەن جانىبەككە بايلانىستى ارقالىقتا قىلمىستىق ءىس قوزعالدى. بۇل تۋرالى الەۋمەتتىك جەلىدە جۋرناليست قىمبات دوسجان حابارلادى. 

"دوستار، استانادان ارقالىققا جولعا شىقتىق. بۇل ساپاردىڭ باستى ماقساتى – قىلمىستىق ءىس قوزعالدى. ءقازىر ون شاقتى ايەلگە كۇدىك ءتۇسىپ تۇر. مەن جانىبەكتىڭ زاڭدى وكىلى رەتىندە قىلمىستىق ءىس اياقتالمايىنشا، بارلىق مالىمەتتى جاريالاۋعا قۇىلى ەمەسپىن. ءتيىستى قۇجاتتارعا قول قويدىق"، – دەيدى جۋرناليست.

قىلمىستىق ءىس نە ءۇشىن قوزعالعانىن جۋرناليست ايتقان جوق.

ەستەرىڭىزگە سالساق، بۇعان دەيىن الەۋمەتتىك جەلىدە شەتەلدە تۇراتىن جانىبەك ەسىمدى (قازىرگى قۇجاتىندا ەددجان) جاس جىگىتتىڭ قازاقستانعا كەلىپ، اناسىن ىزدەپ جاتقانى تۋرالى ۆيدەو جاريالانعان ەدى. بەلگىلى بولعانداي، جانىبەك 2002 جىلى 17 قاڭتاردا ارقالىقتا تۋعان. 2004 جىلى سول قالاداعى بالالار ۇيىنەن قازىرگى بەلگيالىق وتباسى، ياعني جالعىزباستى اناسى اسىراپ الۋعا الىپ كەتكەن.