الماتىداعى مادەني-تاريحي وشاقتارىنىڭ ءبىرى تەاتر ەكەنى ءسوزسىز. تەاتر-رۋحاني بايلىقتىڭ قاينار كوزى ەكەنى بارشامىزعا ايان. قازاق تەاترى دەسە، قارا شاڭىراق م.و. اۋەزوۆ اتىنداعى قازاق ۇلتتىق دراما تەاترى بىردەن ەسىمە ساپ ەتە قالادى. ال تەاترداعى رۋحاني دەمالىس ادامنىڭ دۇنيەتانىمىنىڭ ءداستۇرى مەن قۇندىلىقتارىن وسۋىنە سەبەپكەر. وسى ورايدا  ءال-فارابي اتىنداعى قازاق ۇلتتىق ۋنيۆەرسيتەتىندە https://farabi.university/ تۇراقتى دامۋ ماقساتتارى (تدم 11) اياسىندا جوعارى وقۋ ورنىنا دەيىنگى دايىندىق كافەدراسىنىڭ  «رۋحاني جاڭعىرۋ» اپتالىعى مەن «ولكەتانۋ» كلۋبى ۇيىمداستىرۋمەن شەتەلدىك تىڭداۋشىلارى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا، اتاقتى اقىن، سازگەر، دراماتۋرگ يسرايل ساپاربايدىڭ «سىعان سەرەناداسى» اتتى مۋزىكالىق دراما قويىلىمىن تاماشالادىق. دۇنيەنىڭ ءار تورتكىل بۇرىشىنان كەلگەنىمىزگە 3 اي عانا بولعان ءبىز سياقتى شەتەل ازاماتتارىن  جاڭا ورتاعا بەيىمدەۋ ماقساتىندا جوو-عا دەيىنگى دايىندىق كافەداراداسىندا مادەني-تانىمدىق ءىس-شارالار اتقارىلۋدا. وسىنداي ءىس-شارالاردىڭ ءبىرى اتاجۇرتتاعى قازاقتىڭ تەاتر ونەرىمەن تانىستىرۋ بولدى.  تەاتر – ەستەتيكالىق ادامگەرشىلىك پەن ىزگىلىككە تاربيەلەۋدىڭ اسا ماڭىزدى قۇرالى بولىپ تابىلادى. وسى تاربيەنى بويىمىزعا ءسىڭىرۋ ماقساتى ەلىمىزدىڭ باستى مادەنيەت ورداسىمەن تانىستىرۋ، ونەر مەن مادەنيەتتىڭ قاينار بۇلاعى بولعان تەاتر تىڭداۋشىلاردى رۋحاني وسىرەدى. اتالمىش قويلىمداعى ۆالس كورولى ايگىلى سازگەر ءشامشى رۋحىنا ارنالعان بۇل تۋىندىنى تاماشالاۋ كەزىندە ءشامشىنىڭ جۇرەك شىمىرلاتار، سەزىم سەرپىلتەر قۇدىرەتتى اندەرى قويلىپ، ەرىكسىز بيگە جەتەلەپ، سەزىم تەبىرەنتەر سىعان سەرەناداسىن تاماشالاۋ بارىسىندا ءبىز جاستار ەرەكشە اسەرگە بولەنىپ، رۋحاني ازىق الىپ، رۋحاني دەمالىپ قايتتىق. بۇل قويلىمدا جەردە ءشامشىنىڭ جۇرەكتەگى ىڭكار سەزىمىنىڭ ماحابباتى ەمەس، ءشامشىنىڭ وتانعا، ەلگە دەگەن ماحاببات وتە كۇشتى. سۇيگەنىنە ەرىپ كەتسە وسى كۇندە مۋزىكا الەمىنە شامشىدەي ەشكىم اۋەن قوسا الماس ەدى. اندەرى قانداي كەرەمەت. ءبىزدىڭ اتا-انامىزدىڭ جاس كەزىندەگى اندەرى عوي. قانشا جىلدار ءتىپتى عاسىر وتسەدە ءشامشى اۋەندەر ەسكىرمەك ەمەس. سونىمەن قاتار اكتەرلىك شەبەرلىكتەرىمەن ءتانتى ەتكەن ق ر ەڭبەك سىڭىرگەن قايراتكەرى ب.تۇرىستىڭ، مەملەكەتتىك «دارىن» سىيلىعىنىڭ لاۋرەاتى ن.كارابالينانىڭ جوعارى اكتەرلىك تالانتى مەن شەبەرلىكتەرى ءبىز سياقتى شىعارماشىلىق ماماندىق سونىڭ ىشىندە ونەر سالاسىن تاڭداعان تىڭداۋشىلار ءۇشىن ۇلكەن شەبەرلىك ساباق بولىپ، ونەرگە دەگەن قۇلشىنىسىمىزدى ودان ءارى اسقاقتاتا ءتۇستى. اتاجۇرتىمداعى قازاق تەاترى شارىقتاي بەرسىن!

جوو-عا دەيىنگى دايىندىق كافەدراسىنىڭ اعا وقىتۋشىسى: مۋجيگوۆا گۇلنازيرا،

جوو-عا دەيىنگى دايىندىق كافەدراسىنىڭ تىڭداۋشىسى مادەتحان احتيلەك (موڭعوليا)، مادەنيەت پەريزات (قحر)