حالىقارالىق Transparency International (TI) ۇيىمى 2023 جىلداعى الەمدەگى جەمقورلىقتىڭ يندەكسىن شىعاردى.
"قىرعىزستان بۇل رەيتينگتە جالپى 100 باللدان 26 ۇپاي الىپ، الەمدەگى 180 ولكەنىڭ ىشىنەن 141-ورىنعا جايعاستى"، دەپ جازىپتى ورتالىق ازيانىڭ جاڭالىقتار قىزمەتى.
Transparency International بۇل رەيتينگتە الىنعان ۇپايمەن ەسەپتەلەتىنىن ەسكەرتكەن.
قىرعىزستان سوڭعى ونداعان جىلداردان بەرى جەمقورلىق يندەكسىندە 30 ۇپايعا جەتە الماي كەلەدى.
سوت ادىلەتتىلىگىنىڭ السىرەگەنى قىزمەتكەرلەردىڭ جاۋاپكەرشىلىگىنىڭ تومەندەۋىنە الىپ كەلەدى، بۇل جەمقورلىققا جول اشۋعا مۇمكىندىك بەرەدى. پارا الۋ جانە قىزمەت بابىن اسىرا پايدالانۋ سياقتى كوررۋپسيالىق ارەكەتتەر سوتتاردا جانە باسقا دا ينستيتۋتتاردا دا جايىلعان. كوررۋپسيا بولعان جەردە قاراپايىم ادامداردىڭ سوت ادىلدىگىنە جەتۋى قيىن. بايلار جانە بيلىكتەگىلەر سوت جۇيەسىنە اسەرىن تيگىزىپ، قوعامعا زيانىن تيگىزىپ جاتادى، - دەپ ايتىلعان ۇيىم مالىمدەمەسىندە.
جەمقورلىق يندەكسى 0 ۇپايدان 100 ۇپايعا دەيىن ەسەپتەلەدى. دانيا، فينليانديا جانە جاڭا زەلانديا جەمقورلىعى جوق ەلدىڭ قاتارىندا.
پىكىر قالدىرۋ