شەتەلدىك باسىلىمدار رەسەيدىڭ قازىرگى پرەزيدەنتى الەمدەگى ەڭ باي ءارى ىقپالدى ادام دەگەندى العا تارتادى.

ال كۇنى كەشە رف ورتالىق سايلاۋ كوميسسياسى جاريالاعان دەكلاراسياداعى مالىمەتتەر وعان مۇلدەم كەراعار.

ەكەۋىنىڭ بىرىنىكى وتىرىك.

رەسمي دەرەكتى ۇسىنايىق. ورتالىق سايلاۋ كوميسسياسى تاراتقان قۇجاتقا سايكەس، رەسەيدى 23 جىل بويى باسقارىپ وتىرعان ءپۋتيننىڭ مەنشىگىندە ەكى پاتەرى مەن ءۇش كولىگى عانا بار ەكەن. اتاپ ايتقاندا، وعان ماسكەۋدە 153،7 شارشى مەتردى جانە سانكت-پەتەربۋرگتە 77 شارشى مەتردى قۇرايتىن قوس پاتەر مەن 18 شارشى مەتر گاراج. ودان بولەك، ءۇش كولىك: گاز م21 (1960 جىلعى)، گاز م21 (1965 جىلعى)، نيۆا (2009 جىلعى) جانە «سكيف» تىركەمەسى (1987 جىلعى) تيەسىلى.

سونداي-اق، دەكلاراسياداعى مالىمەتتەرگە سايكەس، ول سوڭعى 6 جىل ىشىندە 67،5 ميلليون رۋبلدەن استام تابىس تاپقان. وندا دا مۇنداعى نەگىزگى تابىسى كوزى رەسەي پرەزيدەنتى رەتىندە تاپقان جالاقىسى دەپ كورسەتىلەدى. ودان بولەك قۇندى قاعازدارعا سالعان اقشادان، مۇلكىن ساتقاننان تاپقان تابىسى مەن اسكەري ادام رەتىندەگى زەينەتاقىسى بار ەكەن.

رەسمي قۇجاتتا ءپۋتيننىڭ بانكتەردەگى ون شاقتى شوتىندا 54،4 ميلليون رۋبل اقشاسى بارى دا ناقتىلانادى. ونىڭ ۇستىنە، ول «بانك سانكت-پەتەربۋرگ» جاق-تىڭ 230 اكسياسىنا دا يە ەكەن.

بۇل – رف-نىڭ قازىرگى پرەزيدەنتىنىڭ تابىسىنا قاتىستى رەسمي مالىمەت.

ال بەيرەسمي مالىمەتتەردە ۆلاديمير پۋتين بۇل قۇجاتتا كورسەتىلگەندەي ورتاڭقول ادام قاتارىنا جاتپايتىن، كەرىسىنشە، الەمدەگى ەڭ باي ءارى ىقپالدى تۇلعانىڭ ءبىرى رەتىندە تانىستىرىلادى. ول كەم دەگەندە 200 ملرد دوللار بايلىققا يە دەگەن ءسوز دە بار.

– دەيدى ينۆەستور بيلل براۋدەر امەريكالىق CNN تەلەارناسىنا بەرگەن سۇقباتىندا.

CNN براۋدەردى رەسەيگە ينۆەستيسيا سالعان شەتەل ينۆەستورى، بۇرىنعى ءپۋتيننىڭ جاقتاۋشىسى دەپ سانايدى. ونىڭ رەسەي قور نارىعىنداعى جاعدايدى ءوز كوزىمەن كورىپ، ءتىپتى، ونداعى زاڭسىزدىقتارمەن دە كۇرەسكەن بريتاندىق ينۆەستور ەكەنىن دە اتاپ كورسەتەدى.