ۇلتتىق مۋزەي تاراپى ەسكەرتكىشتىڭ الىنۋىن مۇراجاي حوللى كونسەپسياسىنىڭ وزگەرۋىمەن بايلانىستىرعان. بۇگىندە ن.نازاربايەۆتىڭ ەسكەرتكىشى مۇراجايدىڭ تۇراقتى ساقتالاتىن قورىنا وتكەن.

مۇراجاي تاراتقان اقپاراتتا ۇلتتىق مۋزەيدىڭ 10 جىلدىعىن اتاپ ءوتۋ كەزىندە مادەنيەت جانە اقپارات مينيسترلىگى مۇراجاي كەڭىستىگىن جاڭالاۋ، جاڭعىرتۋدى تاپسىرعانى ايتىلا كەلە، ەكس-پرەزيدەنتتىڭ ەسكەرتكىشى سول وزگەرىس اياسىندا الىنعانى مەڭزەلگەن.

ازاتتىق راديوسى بۇرىن ەسكەرتكىش تۇرعان اۋماقتا ءقازىر ەكران تۇرعانىن حابارلادى.

بۇل – نازاربايەۆتىڭ الىنىپ تاستالعان العاشقى ەسكەرتكىشى ەمەس. قاڭتار وقيعاسى كەزىندە تالدىقورعاندا قۇلاتىلعان ەسكەرتكىشى قايتا تۇرعىزىلمادى. ارتىنشا ەلورداداعى ۇلتتىق قورعانىس ۋنيۆەرسيتەتىنىڭ الدىنا قويىلعان ەسكەرتكىش الىندى. سونداي-اق الماتى مەتروپوليتەتى بەكەتتەرىنىڭ بىرىندە قابىرعاعا قاشالىپ سالىنعان سۋرەتى دە ءقازىر جوق.