عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنىڭ مالىمەتىنشە، «دەنساۋلىق ساقتاۋ جانە الەۋمەتتىك قامسىزداندىرۋ (مەديسينا)» ماماندىعى بويىنشا وقۋعا شەشىم قابىلداعان تالاپكەرلەر ۇبت-دا كەمىندە 70 بالل جيناۋى كەرەك.

«قۇقىق» جانە «پەداگوگيكا عىلىمدارى» ءبىلىم بەرۋ باعدارلامالارى بويىنشا شەكتى بالل – 75.

تالاپكەرلەر ءار ۋنيۆەرسيتەتتىڭ شەكتى بالدى ءوزى بەلگىلەي الاتىنىن ەسكەرۋى كەرەك. بۇل قۇقىق ولارعا اكادەميالىق ەركىندىكتىڭ ءبىر بولىگى رەتىندە ءتورت جىل بۇرىن بەرىلگەن. مىسالى، 80 بالل جيناعان تالاپكەر ماتەماتيكا ءپانىنىڭ ءمۇعالىمى بولعىسى كەلەدى جانە جوعارى وقۋ ورنىنا تۇسكىسى كەلەدى. نەگىزىندە "پەداگوگيكالىق عىلىمدار" بويىنشا شەكتى بالل –  75 بالل، ال ۇلتتىق ۋنيۆەرسيتەتتەر ءۇشىن – 65 بالدان كەم ەمەس. ستۋدەنتتىڭ جيناعان بالى وقۋعا ءتۇسۋ ءۇشىن جەتكىلىكتى. الايدا ول شەكتى بالى جوعارعى ۋنيۆەرسيتەتتى تاڭداسا، تاڭدالعان ۋنيۆەرسيتەتتە 85 بالدان باستالسا، وندا شەكتى بالى تومەن ۋنيۆەرسيتەت ىزدەۋگە تۋرا كەلەدى. جوعارى وقۋ ورىندارىنىڭ شەكتى بالدارى تۋرالى اقپارات جاقىن ارادا ۇتو سايتىندا جاريالانادى، – دەدى ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.