الماتىدا لاي باسىپ قالعان ءۇيدىڭ ورنىنان قازا بولعان بارلىق ءتورت ادامنىڭ دەنەسى شىعارىلدى. بۇل جونىندە توتەنشە جاعداي مينيسترلىگى حابارلادى.
بۇعان دەيىن دەپارتامەنت 2007 جىلعى ەكى ەر بالانىڭ دەنەسى شىعارىلعانىن حابارلاعان ەدى. كەيىننەن ۇشەۋىنىڭ دەنەسى تابىلعانى بەلگىلى بولدى.
"ءقازىر ءۇيىندىنى ارشۋ جانە لايدان تازارتۋ جۇمىستارى ءجۇرىپ جاتىر. وعان وتكىر زاتتار، اينەك، ارماتۋرا جانە وزگە دە زاتتار ارالاسقان بالشىقتىڭ كوپتىگى، ۇيگە كىرۋ جولىنىڭ تار بولۋى، تەحنيكانى پايدالانۋ مۇمكىندىگىنىڭ جوقتىعى كەدەرگى كەلتىرىپ وتىر"، دەپ جازدى دەپارتامەنت وكىلدەرى.
قازىرگى ۋاقىتتا جەكە تۇرعىن ءۇيدى لايدان تازارتۋ جانە ادامداردى ىزدەۋ جۇمىستارى جۇرگىزىلىپ جاتىر. 182 مامان مەن 32 تەحنيكا جۇمىلدىرىلدى. جەدەل مەديسينالىق جاردەم بريگادالارى دا سوندا.
– تۋىستارى مەن كورشىلەرىنە شۇعىل پسيحولوگيالىق كومەك كورسەتىلدى. الماتى قالاسى تجد جانە رەسپۋبليكالىق جەدەل-قۇتقارۋ جاساعىنىڭ كۇشتەرىمەن توپىراقتىڭ لايلانۋىنا بايلانىستى تەحنوگەندىك سيپاتتاعى لاي كوشكىنى عيماراتتى زاقىمداعان. سونىڭ سالدارىنان الدىن الا قازا تاپقان ەر ادامنىڭ دەنەسى تابىلدى. ىزدەۋ-قۇتقارۋ جۇمىستارى جالعاسۋدا. اقپارات تولىقتىرىلادى، – دەلىنگەن حابارلامادا.
پىكىر قالدىرۋ