اتىراۋ مۇناي وڭدەۋ زاۋىتىنىڭ بۇرىنعى باس ديرەكتورى مۇرات دوسمۇراتوۆ ءۇيقاماققا الىندى.
بۇعان دەيىن مۇرات دوسمۇراتوۆ قىزمەتتىك وكىلەتتىگىن اسىرا پايدالانعانى ءۇشىن 72 ساعاتقا قاماۋعا الىنعانى حابارلاعان.سونداي-اق دوسمۇراتوۆتىڭ ۇستالۋىنىڭ اتىراۋ مۇناي وڭدەۋ زاۋىتىنداعى سوڭعى وقيعالارعا قاتىسى جوق ەكەنى اتاپ ءوتىلدى. ايتا كەتەيىك، بۇعان دەيىن زاۋىتتىڭ باس ديرەكتورى عالىمجان جۋسانبايەۆ پەن ورىنباسارى، باس ينجەنەر ادىلەت شوشانباسوۆ قىزمەتىنەن بوساتىلعان ەدى.
«اق جايىق» گازەتىنىڭ جازۋىنشا، ءقازىر «اتىراۋ مۇناي وڭدەۋ زاۋىتى» ج ش س باسشىلىعىنا قاتىستى مەملەكەتكە اسا ءىرى كولەمدە زالال كەلتىرۋ تۇرىندەگى اۋىر زارداپتارعا اكەپ سوققان لاۋازىمدىق وكىلەتتىكتەرىن اسىرا پايدالانعانى ءۇشىن سوتقا دەيىنگى تەرگەۋ جۇمىستارى جۇرگىزىلىپ جاتىر.
پىكىر قالدىرۋ