– قازىرگى تاڭدا ياندەكس كومپانياسىمەن پيلوتتىق جوبا ىسكە اسىرىپ جاتىرمىز. ونىڭ باستى ماقساتى – كولەڭكەلى ەكونوميكادا سالىق تولەمەي، تىركەلمەي جۇرگەن تاكسي جۇرگىزۋشىلەرىن زاڭدى الاڭعا شىعارىپ ولاردى تىركەۋ. قازاقستاندا كەيىنگى ەكى ايدا 10 مىڭعا جۋىق تاكسي جۇرگىزۋشىلەرى پيلوتتىق جوبامەن تىركەلىپ، سالىق تولەپ جاتىر. ساراپتاما جۇرگىزۋ كەزىندە بايقادىق، الەۋمەتتىك ماسەلەلەرى دە بار ەكەن. اليمەنت، نەسيە تولەمەگەندەر ازاماتتار دا بار، – دەدى ۆيسە-مينيستر.
سونىمەن قاتار ول بۇل سۇراقتى وكىلەتتى ورگاندارمەن بىرگە قارالىپ جاتقاندىعىن ايتادى.
– جاڭا سالىق كودەكسى شەڭبەرىندە جاڭا رەجيم پلاتفورمالىق جۇمىس بەرۋ رەجيمىن ەنگىزگەلى جاتىرمىز. ونىڭ تيىمدىگى – تاكسي جۇرگىزۋشىسى، كۋرەر بولىپ جۇمىس ىستەيتىن ازاماتتار سالىق تولەۋشى جەكە كاسىپكەر رەتىندە تىركەلمەسە بولادى دەگەن ۇسىنىس جاساپ جاتىرمىز. ولار ءۇشىن اگەنت رەتىندە تولەمدى وپەراتورلار جاساۋ كەرەك دەگەن ۇسىنىس بار، – دەيدى.
ۆيسە-مينيستر دەپۋتاتتار قولداسا، بۇل نورما كەلەسى جىلدان باستاپ كۇشىنە ەنەتىنەن ايتتى.
