قالا تۇرعىندارىمەن كەزدەسۋدە استانالىقتار اكىمنەن قوعامدىق كولىكتە جول ءجۇرۋ قۇنىنىڭ ءوسۋ سەبەبىن سۇرادى.

     - ءقازىر 90 تەڭگە بولىپ تۇر. ول قاي جىلى بەكىتىلگەنىن بىلەسىز بە؟ 2014 جىلى. 10 جىل ءوتتى، وسى ۋاقىت ىشىندە بەنزين، گاز، جۇرگىزۋشىنىڭ جالاقىسى ءوستى. بۇگىنگى تاڭدا جۇرگىزۋشىنىڭ جالاقىسى ورتا ەسەپپەن 500-600 مىڭ تەڭگە. بىزدە جۇرگىزۋشىلەر تاپشىلىعى بار، بۇل جالاقىعا ءبىز كاسىبي جۇرگىزۋشىلەردى تابا الماي وتىرمىز. قالادا جۇرەتىن اۆتوبۋستار ىڭعايلى، جاڭا، ءتىپتى تەلەفوندى زاريادتاۋعا مۇمكىندىك بار. بىلتىر مەن قالا تۇرعىندارىنا اۆتوبۋستاردىڭ سانىن كوبەيتەتىنىمىزدى ايتتىم. بىلتىر تاۋلىگىنە 900-گە جۋىق اۆتوبۋس رەيسكە شىقتى. ءقازىر 1300 اۆتوبۋس بار، ياعني ولاردىڭ سانىن 40% ارتتى. بيىل تاعى 300 اۆتوبۋس كەلەدى، - دەدى شەنەۋنىك.

    اكىمنىڭ مالىمەتىنشە، 1،5 ميلليون حالقى بار قالادا اۆتوبۋستاردىڭ سانى 2 مىڭنان اسۋى ءتيىس.