تۇركىستان وبلىسىنداعى اۋدانداردىڭ بىرىندە ديقاندار سۋ تاپشىلىعىنان ەگىنسىز قالۋى مۇمكىن. ونداعان گەكتار قىزىلشا مەن قىرىققابات سۋارۋسىز قالدى. ديقانداردىڭ ەندىگى ءۇمىتى تەك جاۋىن-شاشىندا.
- ەگىستىگىمىزدى سۋارا الماي جاتىرمىز. ءبارى قۋراپ تۇر، ەسىل ەڭبەك. قىرىققابات پەن قىزىلشا قارايىپ جاتىر. سۋارۋ ماسەلەسى بويىنشا سۋ شارۋاشىلىعىنا حابارلاستىق، ءبىراق ولار كومەكتەسە المادى. ەندى ەگىندى جاڭبىر سۋىمەن عانا امان الىپ قالامىز، – دەيدى فەرمەر.
كەلەس ءوڭىرىنىڭ ديقاندارى جاقىندا عانا ەگىلگەن قىرىققاباتتىڭ قۋراپ قالعانىنا الاڭداۋلى. ەگىستىكتى جاقىن ارادا سۋارماسا، ەگىن مۇلدەم شىقپاۋى مۇمكىن. قىزىلشا ەگىستىگى دە سول جاعدايدا. ماۋسىمنىڭ باستالعانى جاڭا، ال شىعىن كولەمى ميلليون دوللاردان اسىپ كەتتى.
سۋارمالى سۋدىڭ ءبىر بولىگى اۋدانعا وزبەكستانداعى كانال ارقىلى كەلەتىن بولىپ شىقتى. كانال بۇلىنگەندىكتەن، سۋدى ءبىراز ۋاقىتقا توقتاتقان كورىنەدى. ءقازىر ەكى ەلدىڭ ماماندارى شۇعىل تۇردە اقاۋدى قالىپقا كەلتىرۋ جۇمىستارىن جۇرگىزۋدە.
- ستك ارناسىندا توتەنشە جاعداي بولدى. سۋارۋ ورگاندارىن شاقىرىپ، ءقازىر جوندەۋ جۇمىستارىن جۇرگىزىپ جاتىرمىز. جوندەۋ جۇمىستارى ەكى-ۇش كۇندە اياقتالادى. ءبىز قولدان كەلگەننىڭ ءبارىن جاسايمىز. جاقىندا سۋ جىبەرىلەدى، – دەدى كەلەس اۋدانى اكىمىنىڭ ورىنباسارى سۇلەيمەن جىلقىبايەۆ.
پىكىر قالدىرۋ