"Bek Air" اۋە كومپانياسىنىڭ Fokker-100 ماركالى اۋە كەمەسىنىڭ اپاتقا ۇشىراۋىنا بايلانىستى  تەرگەۋ جۇمىسى اياقتالدى. 

تەرگەۋ بارىسىندا 4 مىڭنان استام تەرگەۋ جۇمىسى جۇرگىزىلگەن. ونىڭ ىشىندە 2000 تەكسەرۋ، 1350 جاۋاپ الۋ، 250 الۋ، 150 سوت-مەديسينالىق ساراپتاما جانە ارنايى زەرتتەۋ جۇمىسى جاسالعان.

"حالىقارالىق ىنتىماقتاستىق شەڭبەرىندە پروكۋراتۋرا ق ر سىرتقى ىستەر مينيسترلىگىنىڭ كومەگىمەن بەلگيا، گەرمانيا، ليۋكسەمبۋرگ، نيدەرلاندى جانە تاعى باسقا شەت مەملەكەتتەرگە حالىقارالىق قۇقىقتىق كومەك كورسەتۋ تۋرالى ءوتىنىش بەرىلىپ، ءىس ءۇشىن ماڭىزى بار قاجەتتى قۇقىقتىق-تەحنيكالىق اقپارات الىندى"، – دەلىنگەن كولىكتەگى پوليسيا دەپارتامەنتى تاراتقان حابارلامادا.

قازىرگى تاڭدا پروسەسكە قاتىسۋشىلار سوتقا دەيىنگى تەرگەپ-تەكسەرۋ ماتەريالدارىمەن تانىسىپ جاتىر.