ساياسي شولۋشى عازيز ابىشيەۆ تاتارستانعا شابۋىل جاساعان درونداردىڭ قازاقستان اۋماعىنان ۇشىرىلعانى تۋرالى فەيك اقپاراتتىڭ تارالۋىنا بايلانىستى پىكىر ءبىلدىردى.
ونىڭ سوزىنشە، مۇنداي فەيكتى تاراتۋشىلاردىڭ ارەكەتى رەسەيدىڭ وزىنە كەسىرىن تيگىزەدى.
"قازاقستان اۋماعىنان تاتارستانعا ۇشقان ۋكراين دروندارى تاقىرىبى ءالى تالقىلانىپ جاتىر. سانالى ادامنىڭ بارىنە مۇنىڭ جالعان ەكەنى تۇسىنىكتى، ءبىراق ءبىرقاتار اۆتورلار ءتىپتى ساياساتكەرلەر مۇنى ءالى مىجۋدى جالعاستىرۋدا. جەلىلىك انونيمدەردى ايتپاي-اق قويايىن. ءىس جۇزىندە بۇل ادامدار رەسەيدىڭ وزىنە زيان تيگىزەدى" دەيدى ساياسي شولۋشى ءوزىنىڭ تەلەگرام ارناسىندا.
عازيز ابىشيەۆ درون-كونسپيرالوگيانى تاراتۋشىلاردى ءۇش ساناتقا بولەدى
"1. قازاقوفوبتار. قازاقستان مەن قازاقتاردى ۇناتپايتىندار جانە ءاربىر ىڭعايى كەلگەن ساتتە ولاردى ءبىر نارسەگە كىنالاۋعا سەبەپ ىزدەيتىندەر. بۇل ادامدار ءبىر عانا ناتيجەگە قول جەتكىزەدى: ول كەرى سكەپتيكالىق سەزىم.
2. تۋربوپاتريوتتار. قاي جەردە بولماسىن وپاسىزدىقتى بەلسەندى تۇردە ىزدەيتىندەر، ولار ءتۇرلى فانتاستيكالىق پەيزاجداردى ساۋساقتان سورعانداي جاساپ شىعارادى. بۇل ادامدار ءبىر عانا ناتيجەگە قول جەتكىزەدى: ولار وزدەرىنىڭ تەوريالارىندا اقىلدىڭ جۇرعانى بولعان كەزدە دە سەنۋدى توقتاتادى.
3. اقپاراتتىق مايدان جاۋىنگەرلەرى. قازاقستان بارىمەن قوناقجاي بايلانىسىن ساقتاي وتىرىپ، بەيتاراپ بەيبىت پوزيسيانى ۇستانعانى بارىنە تۇسىنىكتى. ۋكراينالىق اقپاراتتىق-پسيحولوگيالىق ارنايى وپەراسيانى ۇيىمداستىرۋشىلاردىڭ كوزقاراسىنشا، "دروندار قازاقستاننان ۇشىپ كەلدى" دەگەندى تاراتۋشىلار “ساتقىنداردى قاراڭدار، ولار سەندەرگە درون اتۋعا مۇمكىندىك بەرىپ قويىپ وتىر”، “قاراڭدار، ولار سەندەردى - يمپەرياليستەردى اشىق ايىپتاپ وتىر” دەپ رف مەن ق ر وشىكتىرىپ، ەكەۋارا قاتىناستى شيەلەنىستىرۋى كەرەك ەدى. بۇل رەسەيدىڭ قازاقستانمەن جانە بۇكىل ورتالىق ازيامەن قارىم-قاتىناسىنىڭ ناشارلاۋىنا قاراي شاعىن قادام بولاتىن. بەلگىلى ءبىر دەڭگەيدە بۇل ولاردىڭ قولىنان كەلدى.
رەسەيدە بارلىق ءۇش توپتىڭ وتكەلىندە دە تۇرعان ادامنىڭ تابىلۋى عاجاپ ەمەس. قازاقوفوبتارعا قاراماستان، ولار تۋربوپاتريوتتاردىڭ بەتپەردەسىن كيىپ رەسەيگە قارسى ەكسپەريمەنتتىك دەمەۋشىلەردە انتيقازاقستاندىق كۇن ءتارتىبىن قالىپتاستىرۋعا تىرىسادى. ولاي دەمەسە، ولاردىڭ ارەكەتىن ءتۇسىندىرۋ قيىن" دەيدى ول.
بۇعان دەيىن رەسەيدىڭ كەي شەندىلەرى تاتارستانعا شابۋىل جاساعان دروندار "ورتالىق ازيادان ۇشىرىلعان بولۋى مۇمكىن" دەپ قازاقستاندى مەڭزەگەن بولاتىن.
قورعانىس مينيسترلىگى اقپاراتتى تەرىستەپ، مالىمدەمە تاراتقان.
"كەيبىر Telegram-كانالداردا تاتارستان رەسپۋبليكاسىنىڭ وبەكتىلەرىنە شابۋىل جاساعان ۇشقىشسىز باسقارىلاتىن قۇرىلعىلاردىڭ قازاقستان اۋماعىنان ۇشىرىلعانى تۋرالى تارالعان اقپارات شىندىققا جاناسپايدى. مۇنداي جالعان مالىمەت قازاقستان رەسپۋبليكاسىنىڭ بەدەلىن تۇسىرۋگە باعىتتالعان. وسىعان بايلانىستى ازاماتتار مەن بۇقارالىق اقپارات قۇرالدارىنا تارالعان قاۋەسەتتەرگە ءمان بەرمەۋىن جانە تەك رەسمي اقپارات كوزدەرىنە سەنۋىن سۇرايمىز" دەلىنگەن مينيسترلىكتىڭ حابارلاماسىندا.
پىكىر قالدىرۋ