ورىنبور وبلىسىنىڭ يريكلينسك سۋ قويماسىنان جايىققا جىبەرىلىپ جاتقان سۋ اعىنى سەكۋندىنا 1600 تەكشە مەترگە ءوستى. بۇل تۋرالى  "كازگيدرومەت" حابارلادى. 

سۋ كولەمىنىڭ ارتۋ دەڭگەيى: 

31 ناۋرىز – سەكۋندىنا 90 تەكشە مەتر؛

1 ءساۋىر – 390 تەكشە مەتر سەك؛

2 ءساۋىر – 390 تەكشە مەتر سەك؛

3 ءساۋىر 00:00 – 620 تەكشە مەتر سەك؛

3 ءساۋىر 14:00 – 790 تەكشە مەتر سەك؛

3 ءساۋىر 18:00 – 870 تەكشە مەتر سەكۋندتا؛

3 ءساۋىر 19:30 – 1050 تەكشە مەتر؛

4 ءساۋىر – 1314 تەكشە مەتر؛

4 ءساۋىر – 09:00 – 1672 تەكشە مەتر؛ 

جوعارعى ورال سۋ قويماسىندا سۋ كولەمى 0.36-دان 0.46 تەكشە كيلومەترگە دەيىن كوتەرىلەدى دەپ كۇتىلىپ جاتىر.  بۇل وتكەن جىلدان 9 ەسە كوپ. "قازگيدرومەت" رەسەيدەن كەلە جاتقان ۇلكەن سۋ كولەمىنەن اتىراۋ وبلىسىندا 1993-94 جىلدارداعى سۋ تاسقىنى قايتالانادى دەپ بولجاپ وتىر.

"جوعارىدان كەلە جاتقان سۋ اعىنى باتىس قازاقستان وبلىسىنا بۇگىن-ەرتەڭ جەتۋى مۇمكىن. ورال قالاسىنا جەتكەن كۇننەن باستاپ 4-5 كۇندە يندەر اۋدانى اۋماعىنا كىرە باستايدى"- دەدى «قازگيدرومەت» رمك اتىراۋ وبلىسى بويىنشا فيليالىنىڭ جەتەكشى ينجەنەر-گيدرولوگى اقمارال ميزامعالييەۆا.