بىلتىر ءاربىر ءتورتىنشى پاتەر نەمەسە ءۇي عانا يپوتەكاعا ساتىلعان بولاتىن.

ءبىرىنشى كرەديتتىك بيۋرو مالىمەتتەرى بويىنشا اقپاندا يپوتەكالىق نەسيە سانى كۇرت وسكەن، وتكەن ايمەن سالىستىرعاندا بىردەن 19 پايىزعا وسكەن.  ساراپشىلارىنىڭ پىكىرىنشە، ءوسىم تۇرعىن ءۇي سالىمدارى بويىنشا مەملەكەتتىك سىياقىنى بەرىلۋىنە بايلانىستى بولۋى مۇمكىن.

وتباسى بانك وكىلدەرى اقپاندا 5700 قارىز بەرىلگەنىن، بۇل قاڭتارعا قاراعاندا 21 پايىزعا ارتىق ەكەنىن ايتقان.

سالىمشىلار سالىم بويىنشا مەملەكەتتىك سىياقىنى كۇتىپ، سودان كەيىن نەسيە راسىمدەۋدى ۇيعارعان بولۋى مۇمكىن. سونىمەن قاتار، 15 اقپاننان باستاپ بانكتە دەپوزيتتەرگە قويىلاتىن تالاپ كۇشەيدى. ەندى قارىز الۋ ءۇشىن دەپوزيتتەگى اقشا وندا كەمىندە 6 اي ساقتالۋى كەرەك.

اقپاندا 10 مىڭنان اسا قازاقستاندىق تۇرعىن ءۇيدى نەسيەگە ساتىپ العان. كەيبىر قارىز الۋشىلار اقپاندا تۇرعىن ءۇي بويىنشا ءتىپتى بىرنەشە قارىز العان. اقپانداعى جاعداي بويىنشا يپوتەكانىڭ جالپى سوماسى 167،2 ميلليارد تەڭگەدەن اسادى. ورتاشا سوما - 16 ميلليون تەڭگە.