Amanat پارتياسىنىڭ دەپۋتاتتارى اسحات ايماعامبەتوۆ پەن جاناربەك ءاشىمجانوۆ "ب ا ق تۋرالى" زاڭعا تۇزەتۋ ەنگىزۋدى ۇسىنىدى.
تۇزەتۋلەرگە سايكەس بۇقارالىق اقپارات قۇرالدارىنا لگبت وكىلدەرىن ناسيحاتتاپ جازۋعا تىيىم سالىنۋى، ءتىپتى ب ا ق قىزمەتىن توقتاتۋعا نەمەسە جابۋعا نەگىز بولۋى مۇمكىن. بۇل تۋرالى Vlast.kz پورتالى حابارلادى.
"ءبىز اقپاراتقا تىيىم سالۋ تۋرالى ەمەس، بۇل قارىم-قاتىناستى ءداستۇرلى قارىم-قاتىناستان جاقسىراق دەپ ناسيحاتتاۋ تۋرالى ايتىپ وتىرمىز. اقپارات لگبت وكىلدەرىن ناسيحاتتاۋعا نەمەسە ءداستۇرلى كوزقاراسقا قارسى قويۋعا نەگىزدەلمەۋى كەرەك" - دەدى ءاشىمجانوۆ.
زاڭ جوباسىنىڭ 22-بابىنا "ءداستۇرلى ەمەس جىنىستىق باعىت" دەگەن سوزدەرمەن تولىقتىرۋ كوزدەلگەن. ءقازىر جاڭا تولىقتىرۋ تالقىلانىپ جاتىر.
پىكىر قالدىرۋ