قازاقستاندا 1 ناۋرىزدان بەرى اسكەر قاتارىنا شاقىرۋ ناۋقانى بولىپ جاتىر. زاڭ بويىنشا، اسكەري قىزمەتكە شاقىرىلۋعا جاتاتىن ازاماتتار جەرگىلىكتى اسكەري ورگاننىڭ شاقىرۋى بويىنشا شاقىرۋ كوميسسياسىنا كەلۋگە مىندەتتى. الايدا، بەلگىلەنگەن ۋاقىتتا اسكەري كوميسسارياتقا كەلمەۋ اسكەري قىزمەتتەن جالتارۋ بولىپ ەسەپتەلەدى.
اسكەري ەسەپكە قويۋ جونىندەگى مىندەتتى ورىنداماعان جانە اسكەري قىزمەتتەن جالتارعان جاعدايدا مۇنداي قۇقىق بۇزۋشىلىقتار قازاقستان رەسپۋبليكاسى قىلمىستىق كودەكسىنىڭ 387-بابىنا سايكەس، "اسكەري قىزمەتتەن جالتارۋ" بويىنشا قىلمىستىق جاۋاپتىلىققا اكەپ سوعادى.
اسكەري قىزمەتتەن بوساتۋعا زاڭدى نەگىزدەر بولماعان كەزدە اسكەري قىزمەتكە شاقىرۋدان جالتارعان ءۇشىن 1000 اەك-كە دەيىنگى مولشەردە ايىپپۇل سالۋ، نە سول مولشەردە تۇزەۋ جۇمىستارىنا، نە ءتورت ءجۇز ساعاتقا دەيىنگى مەرزىمگە قوعامدىق جۇمىستارعا تارتۋ، نە 1 جىلعا دەيىنگى مەرزىمگە باس بوستاندىعىن شەكتەۋ تۇرىندە جازا قولدانىلادى، نە سول مەرزىمگە باس بوستاندىعىنان ايىرۋ قاراستىرىلادى.
پىكىر قالدىرۋ