سۋ تاسقىنى باتىس قازاقستان وبلىسىنا دا جەتتى. اتىراۋ وبلىسىندا جەم وزەنى تاسىپ جاتىر. قۇلسارى قالاسىندا ءبىر كوپىر بۇزىلىپ، ەكىنشىسى جابىلعان.
قازىرگى ۋاقىتتا قۇلسارى ىشىندە جەم وزەنىنەن باستاۋ الاتىن قۇرساي وزەگى ارناسىنان شىعىپ، قالاداعى جادىراسىن، اەروپورت ىقشام اۋداندارىن سۋ باسقان. بۇعان دەيىن قۇلسارى تۇرعىندارى سۋ تاسقىنىنىڭ الدىن الماق بولىپ، توپىراق ءۇيىپ دايىندالعان. الايدا بۇل تاسقىن سۋدى توقتاتا المادى.
جىلىوي اۋدانى اكىمدىگى قۇلسارى قالاسىنداعى مەكتەپتەردە تۇرعىندارعا ەۆاكۋاسيا ورتالىعى اشىلعانىن حابارلادى.
سونىمەن قاتار، باتىس قازاقستاندا ەلەك وزەنى ارناسىنان اسىپ، وزەن ماڭىنداعى ەلدىمەكەندەردىڭ تۇرعىندارى ەۆاكۋاسيالانعان. دميتروۆو جانە قاراشىعاناق اۋىلدارىنان 25 ادام ءقاۋىپسىز جەرگە كوشىرىلگەن.
پىكىر قالدىرۋ