اەك العان 58 مىڭنان استام وتباسى كەدەيلىك جاعدايىنان شىقتى.
2023 جىلى جانە 2024 جىلدىڭ ءبىرىنشى توقسانىندا اتاۋلى الەۋمەتتىك كومەك العان 58 مىڭ 445 وتباسى مەملەكەتتىك قولداۋ شارالارىنىڭ ارقاسىندا كەدەيلىك جاعدايىنان شىعىپ وتىر. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.
2023 جىلى جالپى كولەمى 59،4 ملرد تەڭگەگە 114،1 مىڭ وتباسى (598،4 مىڭ ادام)، 2024 جىلدىڭ ءۇش ايىندا 7،8 ملرد تەڭگەگە 58،8 مىڭ وتباسى (312 مىڭ ادام) ااك الدى.
وتكەن جىلدىڭ قورىتىندىسى بويىنشا وڭىرلىك بولىنىستە ااك الۋشىلاردىڭ ەڭ كوپ سانى تۇركىستان وبلىسىندا – 27 مىڭ وتباسى (23،7%)، شىمكەنت قالاسىندا – 12،7 مىڭ وتباسى (11،2%)، الماتى وبلىسىندا – 9،5 مىڭ وتباسى (8،3%)، قىزىلوردا وبلىسىندا – 9،4 مىڭ وتباسى (8،2%) تىركەلدى.
ااك الۋشىلاردىڭ ەڭ از سانى ۇلىتاۋ – 538 وتباسى (0،5%)، اتىراۋ – 1،1 مىڭ وتباسى (0،9%)، سولتۇستىك قازاقستان وبلىستارىندا – 1،6 مىڭ وتباسى (1،4%) بايقالىپ وتىر.
- ااك الۋشىلاردىڭ قۇرىلىمىندا باسىم كوپشىلىگى بالالاردىڭ ۇلەسىنە كەلەدى – 65،4% نەمەسە 391،2 مىڭ ادام؛
- جۇمىس ىستەيتىن ازاماتتار – 15،1% نەمەسە 90،6 مىڭ ادام؛
- بالالاردى، قارتتاردى جانە مۇگەدەكتىگى بار ادامداردى كۇتەتىن ادامدار – 12،4% نەمەسە 74،2 مىڭ ادام؛
- قالعان 7،1%-ى ازاماتتاردىڭ باسقا ساناتتارىنا جاتادى.
پىكىر قالدىرۋ