الماتى قالاسى مەدەۋ اۋدانىنىڭ پروكۋراتۋراسى 1997 جىلى 196 مىڭ تەڭگەگە ساتىلىپ كەتكەن اباي اتىنداعى قازاق ۇلتتىق پەداگوگيكالىق ۋنيۆەرسيتەتى عيماراتىنىڭ ءبىر بولىگىن قايتارىپ الدى. بۇل تۋرالى پروكۋراتۋرانىڭ باسپا ءسوز قىزمەتى حابارلادى.

پروكۋراتۋرانىڭ حابارلاۋىنشا، 1997 جىلى جەكەشەلەندiرۋ ءجونiندەگi اۋماقتىق كوميتەت، وقۋ كورپۋسى عيماراتىنىڭ بiر ءبولiگiن 196 000 تەڭگەگە زاڭسىز ساتقان. سول جىلى ۋنيۆەرسيتەتكە تيەسىلى 26 سوتىق جەر تەلىمى دە ساتىلعان. ونى بار بولعانى 62 000 تەڭگەگە باعالاعان.

ۋنيۆەرسيتەت عيماراتى رەسپۋبليكالىق ماڭىزى بار تاريحي جانە مادەنيەت ەسكەرتكىش بولىپ ەسەپتەلەدى. سوندىقتان ونىڭ ساتىلۋىنا تىيىم سالىنعان. ارزانعا ساتىلىپ كەتكەن جەر ۋچاسكەسىندە قالانىڭ ەڭ ەسكى ساۋلەت قۇرىلىستارىنىڭ ءبىرى – «ەسكى قاقپا» ورنالاسقان. سوندىقتان پروكۋراتۋرا ساتىپ الۋ جونىندەگى مامىلەنى زاڭسىز دەپ تاپقان.

جەكەمەنشىككە وتكەن وقۋ كورپۋسىنىڭ عيماراتىندا كەيىن «ەسكى قاقپا» اتتى مەيرامحانا ويىن-ساۋىق مەكەمەسى پايدا بولعان.