تۇركىستان قالاسىندا وبلىستىق «جاستار رەسۋرستىق ورتالىعى» كمم-ڭ ۇيىمداستىرۋىمەن «تازا قازاقستان» رەسپۋبليكالىق ەكولوگيالىق اكسياسى اياسىندا «تۇركى باعى» ساياباعىندا سەنبىلىك ءوتتى. يگى باستاماعا وبلىستىڭ بەلسەندى جاستارى اتسالىستى. اكسيانىڭ ماقساتى – ەكولوگيالىق مادەنيەتتى قالىپتاستىرۋ، قورشاعان ورتاعا دەگەن جاناشىرلىق قۇندىلىقتارىن دارىپتەۋ.
قورشاعان ورتانى قورعاۋعا، اينالانى تازا ۇستاۋعا باعىتتالعان اكسياعا 100-گە جۋىق جاس پەن ۋنيۆەرسيتەت ستۋدەنتتەرى قاتىستى. ايتا كەتەيىك، اتالعان سەنبىلىكتە ساياباق اۋماعىنا تازالىق جۇمىستارى جۇرگىزىلىپ، تالداردىڭ تۇپتەرىن اكتەۋ شارالارى قوسا قامتىلدى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
پىكىر قالدىرۋ