سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جوبالىق باسقارۋدىڭ اقپاراتتىق جۇيەسى تانىستىرىلعانىن، ونىڭ كومەگىمەن ۇلتتىق جوبالاردىڭ ىسكە اسىرىلۋىنا مونيتورينگ جۇرگىزۋ تەتىگى ازىرلەنگەنىن حابارلادى.
اقپاراتتىق جۇيە ناقتى ۋاقىت رەجيمىندە بوگەتتەر قۇرىلىسىنىڭ بارىسىن كورۋگە، ءقاۋىپتى جاعدايلاردى باقىلاۋعا جانە ۋاقتىلى شارالار قابىلداۋعا مۇمكىندىك بەرەدى.
"ءبىز ونلاين رەجيمدە اكىمدىكتەردىڭ قانداي ىس-ارەكەتتەر جاساپ جاتقانىن قالاي باقىلاۋعا بولاتىنىن كورسەتتىك، بۇل مۇمكىندىكتى بارلىعى كورە الاتىنداي جانە توتەنشە جاعداي كەزىندە بولىپ جاتقان وقيعالار تۋرالى تۇسىنىككە يە بولاتىنداي ەتىپ ونلاين رەجيمدە شىعارۋدى ۇسىندىق. پرەمەر-مينيستر ورال جانە اتىراۋ قالالارىنداعى سۋ تاسقىنىنا قارسى ءجۇرىپ جاتقان ءىس-شارالاردىڭ بارىسى تۋرالى بەينەباقىلاۋ كامەرالاردى ونلاين رەجيمگە شىعارۋ جونىندەگى ۇسىنىسىمىزدى قولدادى" دەپ جازدى باعدات مۋسين فەيسبۋك پاراقشاسىندا.
قازىرگى ۋاقىتتا ورال، اتىراۋ، قوستانايداعى سۋ تاسقىنىنا قارسى ءىس-شارالار وتكىزىلەتىن ورىنداردان ونلاين-ترانسلياسيا ىستەپ تۇر.
ونلاين-ترانسلياسيانى مىنا جەردەن كورۋگە بولادى.
پىكىر قالدىرۋ