اتىراۋ قالاسىندا تاسقىن سۋدىڭ الدىن الۋ ءۇشىن قويىلعان قۇم تولى قاپشىقتاردى ۇرلاعان 5 ادام ۇستالدى. بۇل تۋرالى اتىراۋ وبلىستىق پوليسيا دەپارتامەنتىنىڭ باسپا ءسوز قىزمەتى مالىمدەدى.
"جايىق وزەنىنىڭ جاعالاۋىنداعى بوگەتتى بەكىتۋگە دايىندالعان قۇم تولتىرىلعان قاپشىقتاردى ۇرلادى دەگەن كۇدىكپەن 4 ەر، ءبىر ايەل ادام ۇستالدى. ەر ادامداردىڭ جاسى 32، 37، 38 جانە 42-دە، ال، ايەل 34 جاستا ەكەنى انىقتالدى. ولار الدىن الا اقىلداسىپ، قۇم تولتىرىلعان قاپشىقتاردى كولىككە تيەپ تاسىعان"، – دەدى دەپارتامەنتتىڭ باسپا ءسوز قىزمەتى.
وقيعا 18 ءساۋىر كۇنى ساعات 21:00 شاماسىندا بولعان. ءقازىر كۇدىكتىلەرگە قىلمىستىق ءىس قوزعالدى.
