استانا پوليسيا دەپارتامەنتى ەكس-مينيسترى قۋاندىق بيشىمبايەۆتىڭ ءىسىن قارايتىن سۋديا ايجان قۇلبايەۆاعا جاسالعان قوقان-لوققى فاكتىسى بويىنشا قىلمىستىق ءىس قوزعادى. بۇل تۋرالى ق ر جوعارعى سوتى مالىمدەدى.
"سۋديانىڭ ۇيالى تەلەفونىنا بەلگىسىز نومىردەن قوڭىراۋلار مەن قورقىتۋ حابارلامالارى تۇسكەن. قىلمىستىق كودەكستىڭ 407-بابىنىڭ 1-بولىگى (سوت تورەلiگiن جۇزەگە اسىرۋعا كەدەرگi جاساۋ ماقساتىندا سوتتىڭ قىزمەتiنە ارالاسۋ) بويىنشا سوتقا دەيىنگى ءىس جۇرگىزۋ باستالدى. سۋديا، جەكە قاۋىپسىزدىك شارالارىمەن قامتاماسىز ەتىلدى" – دەلىنگەن حابارلامادا.
سونىمەن قاتار، ينتەرنەت كەڭىستىگىندە جۇرگىزىلگەن مونيتورينگ بارىسىندا سۋدياعا قاتىستى قىلمىستىق قۇقىق بۇزۋشىلىق ىس-ارەكەتتەرى بار كوپتەگەن جاعىمسىز جازبالار انىقتالعان. تەكسەرۋ ناتيجەسىندە تەرگەۋ ورگانى سۋدياعا جالا جابۋ بابى بويىنشا قىلمىستىق ءىس قوزعاعان.
پىكىر قالدىرۋ