بۇگىن باس پروكۋراتۋرا قازاقستان رەسپۋبليكاسىنىڭ ىشكى ىستەر مينيسترلىگىمەن بىرلەسىپ، اسا ءىرى مولشەردە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا رەسەي فەدەراسياسىنان كۇدىكتى ەكستراديسيالاندى.
"ول 2020-2023 جىلدار ارالىعىندا قۇرىلىس كومپانياسىنىڭ باسشىسى بولا وتىرىپ، استانا قالاسىندا پرەميۋم ساناتىنداعى پاتەرلەردى سالۋ جانە ساتۋ سىلتاۋىمەن الدىن الا ءسوز بايلاسۋ ارقىلى ادامدار توبىندا 4،3 ملرد تەڭگەدەن استام سوماعا 200-دەن استام ۇلەسكەردىڭ اقشالاي قاراجاتىن ۇرلاپ كەتكەن. قىلمىس جاساعاننان كەيىن كۇدىكتى جاسىرىنىپ، وسىعان بايلانىستى حالىقارالىق iزدەستiرۋ جاريالاندى"، – دەپ جازىلعان حابارلامادا.
وتكەن جىلدىڭ قاراشا ايىندا قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا بۇل تۇلعا رەسەي فەدەراسياسىنىڭ اۋماعىندا ۇستالىپ، ونى ەكستراديسيالاۋ تۋرالى شەشىم قابىلداندى. قازىرگى ۋاقىتتا ول تەرگەۋ يزولياتورىنا قامالدى.
قىلمىستىق توپتىڭ باسقا سىبايلاس قاتىسۋشىلارى وتكەن جىلدىڭ سوڭىندا ۇستالىنىپ، ءقازىردى تاڭدا ولارعا قاتىستى تەرگەۋ امالدارى جۇرگىزىلۋدە. اتالعان قىلمىس جاساعانى ءۇشىن مۇلكى تاركىلەنىپ، 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
پىكىر قالدىرۋ