25 ساۋىردە ماڭعىستاۋ وبلىسى ءتۇپقاراعان اۋدانىنداعى كاسپيي تەڭىزى جاعالاۋىنان 12 ءولى يتبالىق تابىلعان. بۇل تۋرالى وبلىستىق بالىق شارۋاشىلىعى باسقارماسىنا سۇيەنگەن Lada سايتى حابارلادى.
وقيعا ورنىنا جەرگىلىكتى اتقارۋ ورگاندار مەن ينسپەكسيا وكىلدەرى، گيدروبيولوگيا جانە ەكولوگيا ينستيتۋتىنىڭ ماماندارى بارىپ، يتبالىقتاردىڭ سىناما ۇلگىسىن العان.
باسقارما مالىمەتىنشە، 29 ناۋرىز بەن 25 ءساۋىر ارالىعىندا كاسپيي جاعالاۋىنان 182 ءولى يتبالىق تابىلعان. يتبالىقتاردىڭ نەدەن ولگەنى ازىرگە بەلگىسىز.
پىكىر قالدىرۋ