ەندى ەلىمىزدەگى ءبىلىم بەرۋ ۇيىمدارى الدىن الا ەسكەرتۋسىز تەكسەرىلەدى. بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتىنە حابارلادى.
ءساۋىر ايىندا پرەزيدەنت ايەلدەر مەن بالالاردىڭ قۇقىعىن قورعاپ، قاۋىپسىزدىگىن قامتاماسىز ەتۋگە مۇمكىندىك بەرەتىن زاڭعا قول قويعان بولاتىن.
"زاڭ شەڭبەرىندە جوسپاردان تىس تەكسەرۋ جۇرگىزۋ ءتارتىبى وزگەردى. ەندى ەلىمىزدىڭ ءبىلىم بەرۋ ۇيىمدارىندا جوسپاردان تىس تەكسەرۋلەردى سۋبەكتىنى الدىن الا حاباردار ەتپەي جانە تەكسەرۋ تاعايىنداۋ تۋرالى اكتىنى تىركەۋسىز جۇرگىزۋگە بولادى. بۇل نورما بالالاردىڭ قۇقىعى بۇزىلعان جاعدايدا تەكسەرىسكە دايىندالۋعا مۇمكىندىك بەرمەيدى" - دەلىنگەن حابارلامادا.
بالالاردىڭ قۇقىعىن قورعاۋ كوميتەتى ءبىلىم بەرۋ ۇيىمدارىنا تۇراقتى تۇردە تەكسەرىس جۇرگىزەدى.
پىكىر قالدىرۋ