الماتىنىڭ ناۋرىزباي اۋداندىق سوتىندا ءۇش ادامنىڭ ولىمىنە اكەپ سوققان جول-كولىك اپاتىنا قاتىستى سوت وتىرىسى اياقتالدى.
اۆتوبۋس جۇرگىزۋشىسىن سوققىعا جىققان سوتتالۋشى دارحان احمەتجانوۆ 8 جىل باس بوستاندىعىنان ايىرىلدى. سوتتالۋشىعا قىلمىستىق كودەكستىڭ ەكى بابى بويىنشا جازا تاعايىندالدى. 351 باپتىڭ 3-بولىگى “ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى قاۋىپسىزدىگى قاعيدالارىن بۇزۋ” جانە 293-باپتىڭ 1-بولىگى “بۇزاقىلىق” بابى بويىنشا شەشىم شىعارىلدى.
ول جازاسىن ەڭ تومەنگى رەجيمدەگى كولونيادا وتەيتىن بولادى. سونداي-اق سوتتالۋشىنى جابىرلەنۋشىلەرگە وتەماقى تولەيدى.
ەسكە سالا كەتەيىك، جول اپاتىنان 4 ادام جارالانىپ، 3 ادام كوز جۇمعان بولاتىن.
پىكىر قالدىرۋ