بيىل رەسەيدە ادىراسپان تىيىم سالىنعان وسىمدىكتەر قاتارىنا ەنگىزىلىپ، ادىراسپان تاسىمالداعان ادامدار قىلمىستىق جاۋاپكەرشىلىككە تارتىلادى. سوعان بايلانىستى ق ر ىشكى ىستەر مينيسترلىگى ەل ازاماتتارىنا رەسەيگە ادىراسپان الىپ بارۋعا بولمايتىنىن ەسكەرتتى.
"بيىل اقپان ايىنان باستاپ رەسەي فەدەراسياسىندا گارمالا دەگەن وسىمدىك، ياعني جالپاق تىلمەن ايتقاندا "ادىراسپان" تىيىم سالىنعان وسىمدىكتەر قاتارىنا ەنگىزىلدى. ونى سول ەلگە اپارعانى ءۇشىن قىلمىستىق جاۋاپكەرشىلىك قاراستىرىلعان. 1 ميلليون رۋبلگە دەيىن ايىپپۇل نەمەسە 7 جىلعا دەيىن باس بوستاندىعىنان ايىرۋ جازاسى ەسكەرىلگەن"، — دەدى ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆ اپتالىق بريفينگىدە.
وزگەرتۋلەرگە سايكەس كورشى ەلگە اسا ءىرى مولشەردە ادىراسپان اپارعاندار 15 جىلدان 20 جىلعا دەيىن باس بوستاندىعىنان ايىرىلۋى مۇمكىن.
پىكىر قالدىرۋ