باعدات مۋسين سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى لاۋازىمىنان بوساتىلدى. بۇل تۋرالى اقوردانىڭ باسپا ءسوز قىزمەتى حابارلادى.

ول بۇل قىزمەتكە پاندەميا كەزىندە حالىق مەملەكەتتىك قىزمەتتەردى جاپپاي ونلاين الىپ، ەلەكتروندىق ۇكىمەت پورتالى قايتا-قايتا قۇلاپ جاتقاندا تاعايىندالعان.

سودان بەرى 4 جىلعا جۋىق اتالعان مينيسترلىككە جەتەكشىلىك ەتتى.

ءمۋسيننىڭ تۇسىندا قازاقستان ۇيالى بايلانىس سالاسىندا جەكە-دارا + 997 كودىنا يە بولدى. ەندى ۇيالى بايلانىس وپەراتورلارى تەك وزىمىزگە ءتان وسى كودقا وتە الادى. ال قازىرگى قولدانىستاعى +7 تەلەفون كودى قازاقستان مەن رەسەيگە قاتار بەرىلگەن.

ءمۋسيننىڭ سونىمەن قاتار مينيستر بولىپ تۇرعاندا ۇلكەن داۋعا دا قالدى. 2021 جىلى ۇكىمەت ەلەكتروندىق ۇكىمەت پورتالىن جەتىلدىرۋ ءۇشىن رەسەيلىك سبەر كومپانياسىنىڭ پلاتفورماسىن پايدالانباق بولعان. الايدا قوعام بەلسەندىلەرىنىڭ “بۇل - ەلدىڭ سيفرلىق قاۋىپسىزدىگىنە قاتەر توندىرەدى” دەگەن نارازىلىعىنان كەيىن ۇكىمەت رايىنان قايتقان.

ءبىراق ەلدە كوپتەگەن قىزمەتتەر ەلەكتروندىق تۇردە بەرىلگەنىمەن، پورتال الىگە دەيىن اراگىدىك قاتىپ قالادى. ونىڭ جانىندا ەكىنشى دەڭگەيلى بانكتەردىڭ موبيلدىك قوسىمشاسى جىلدامىراق ىستەيدى.