ءۇشىنشى رەت وتىكىزىلگەن اۋكسيون قورىتىندىسى بويىنشا قايرات بورانبايەۆتان الىنعان "Comfort Hotel Astana" ءقوناقۇي كەشەنى ساتىپ الۋ قۇقىعىمەن سەنىمگەرلىك باسقارۋعا بەرىلدى. ەلەكتروندى ساۋدا الاڭىنداعى مالىمەتتەرگە قاراعاندا، ءقوناقۇي 3،9 ملرد تەڭگەگە ساتىلعان.
اۋكسيون استانا قالاسىنىڭ ينۆەستيسيالار جانە كاسىپكەرلىكتى دامىتۋ باسقارماسىنىڭ باستاماسىمەن تەندەر تۇرىندە وتكەن.
ايتا كەتەيىك، قايرات بورانبايەۆ 2022 جىلى "كۆازيمەملەكەتتىك سەكتوردان ءىرى كولەمدە اقشا جىمقىردى" دەگەن كۇدىككە ىلىنگەن. وعان QazaqGaz ۇلتتىق كومپانيانىڭ گازىن ساتۋ بويىنشا كەلىسىمنەن تۇسكەن 14،6 ملرد تەڭگە قاراجاتتى جىمقىردى دەگەن ايىپ تاعىلعان. بورانبايەۆتى تەرگەۋ كەزىندە قۇنى 1،4 ميلليارد تەڭگەدەن اساتىن "Comfort Hotel Astana" ءقوناقۇي كەشەنى مەملەكەت مەنشىگىنە وتكەن بولاتىن.
پىكىر قالدىرۋ