قازاقستاندىق اقىلى قىزمەت كورسەتۋ سالاسىندا باعا ءبىر جىلدا ورتا ەسەپپەن 13،2 پايىزعا ءوستى. بۇل ءوسىم نەگىزىنەن كوممۋنالدىق قىزمەتتەر باعاسىنىڭ وسۋىمەن بايلانىستى. دەگەنمەن ولار ءۇشىن عانا ەمەس، مىسالى، جەرلەۋ ۇيىمدارىنىڭ قىزمەتتەرى ءۇشىن دە باعا ءوستى.

Finprom مالىمەتتەرى بويىنشا، 2024 جىلدىڭ ناۋرىز ايىنىڭ سوڭىندا جەرلەۋ قىزمەتتەرى ايىنا 0،1 پايىزعا جانە وتكەن جىلدىڭ وزىندە باعانىڭ 24،6 پايىزعا وسكەنىنە قاراماستان، جىلىنا تاعى دا 13 پايىزعا ءوستى. دەگەنمەن ەلىمىزدىڭ جەتى وبلىسىندا باعا مۇلدەم وزگەرمەگەنىن ايتا كەتكەن ءجون.

جەرلەۋ ءراسىمى باتىس قازاقستان وبلىسىندا ءبىر جىلدا 39،4 پايىزعا قىمباتتادى. ودان كەيىنگى ورىندا اباي جانە استانا وبلىستارى: 30،5 جانە 30،3 پايىزعا ءوستى. جەرلەۋ قىزمەتتەرى ەڭ از قىمباتتاعان وڭىرلەر – جامبىل وبلىسى مەن الماتى: 1،2 جانە 1،7 پايىزا وسكەن. شىمكەنتتە ءبىر جىلدا باعا 10،1 پايىزعا ءوستى.