استانا سوتىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ پەن ونىڭ تۋىسى باقىتجان بايجانوۆقا قاتىستى سوت پروسەسسى جالعاسىپ جاتىر. بۇگىنگى سوت وتىرىسىندا ايىپتالۋشىلار سوتتاعى سوڭعى ءسوزىن ايتتى.
بيشىمبايەۆ سوڭعى سوزىندە قۇدايعا سەنەتىنىن، سالتاناتتىڭ ءولىم اۋزىندا جاتقانىن بىلمەگەنىن مالىمدەدى.
"اتا-انام مەن تۋىستارىمنىڭ ەشقانداي كىناسى جوق. بۇعان تەك مەن كىنالىمىن. مەنى ۇستاعان ساتتەن باستاپ تەك شىندىقتى ايتتىم، جاۋاپكەرشىلىكتەن قاشۋعا تىرىسپادىم. ۇستالعاننان بىرنەشە كۇن وتكەن سوڭ ماعان "اسا قاتىگەزدىكپەن قاساقانا كىسى ءولتىردى" دەگەن ايىپ تاعىلدى. مۇنى راستايتىن ەشقانداي دالەلدىڭ، ساراپتامانىڭ بولماۋىنا قاراماستان وسىنداي ايىپ تاقتى"، – دەدى ول.
ال "كىسى ءولتىرۋ فاكتىسىن جاسىردى" دەپ ايىپتالعان باقىتجان بايجانوۆ سالتانات نۇكەنوۆانىڭ تۋىستارىنا كوڭىل ايتتى.
پىكىر قالدىرۋ