«كوكتەمگى ەگىس جۇمىستارىن قامتاماسىز ەتۋ ءۇشىن ۇكىمەت قاجەتتى شارانى قابىلدادى. بۇل ماقساتقا 140 ملرد تەڭگە ءبولىندى. فورۆاردتىق ساتىپ الۋ باعدارلاماسى دا جالعاسىن تابادى، بيىل وعان 40 ملرد تەڭگە كوزدەلگەن. مەنىڭ تاپسىرمام بويىنشا ديزەل وتىنىنىڭ قوسىمشا كولەمى ءبولىندى»، - دەدى ولجاس بەكتەنوۆ ۇكىمەت وتىرىسىندا.
ودان بولەك، پرەمەر-مينيستر تىڭايتقىشتارمەن قامتۋ ماسەلەسىن كوتەردى.
«سونىمەن بىرگە، ءبىز فەرمەرلەردەن اگروتەحنولوگيالاردى قاتاڭ ساقتاۋ، تىڭايتقىشتار مەن وسىمدىكتەردى قورعاۋ قۇرالدارىن ۋاقتىلى قولدانۋ سياقتى قارسى مىندەتتەمەلەردىڭ ورىندالۋىن كۇتەمىز. ەگىس جۇمىستارىن جۇرگىزگەن كەزدە اۋا رايىنىڭ ۇزاق مەرزىمدى بولجامىن نازاردا ۇستاۋ قاجەت. اۋىل شارۋاشىلىعى مينيسترلىگى وبلىستاردىڭ اكىمدىكتەرىمەن بىرگە كوكتەمگى ەگىس جۇمىستارىن دەر كەزىندە جۇرگىزۋ بويىنشا بارلىق قاجەتتى شارالاردى قابىلداۋى كەرەك»، - دەدى ول.
ەسكە سالساق، بۇعان دەيىن پرەمەر-مينيستر ولجاس بەكتەنوۆ جىلۋ نىساندارىن جاڭعىرتۋدا بيۋدجەت تەپە-تەڭدىگىن ساقتاۋ قاجەتتىگىن ايتقان ەدى.
پىكىر قالدىرۋ