بەرلين پوليسياسى جەڭىس كۇنىنە ارنالعان شەرۋدە رەسەيدىڭ ۋكرايناعا جاساعان باسقىنشىلىعىن دارىپتەيتىن بەلگىلەر ۇستاپ كەلگەن 10 ادامدى قۇرىقتادى. بۇل تۋرالى Bild گازەتى جازدى.
باسىلىم مالىمەتىنشە، 9 مامىر كۇنى تيرگارتەن مەن ترەپتوۆ ساياباعىنداعى ەسكەرتكىشتەرگە جۇزگە جۋىق ادام كەلگەن. پوليسيا كىرە بەرىستە كەلگەن ادامداردا تىيىم سالىنعان زاتتاردىڭ بار-جوعىن تەكسەرگەن. تەكسەرىس ناتيجەسىندە ءتارتىپ بۇزىپ، پوليسيا قىزمەتكەرلەرىن بالاعاتتاعان 10 ادام ۇستالعان.
ولار رەسەيدىڭ ۋكرايناعا جاساعان باسقىنشىلىعىن قولدايتىن كيىم كيىپ، تۋ مەن توسبەلگىلەر ۇستاپ كەلگەن.
ايتا كەتەيىك، بۇعان دەيىن بەرلين پوليسياسى 9-مامىردا وتەتىن شەرۋلەردە رەسەي باسقىنشىلىعىن دارىپتەيتىن زاتتار، ارنايى جالاۋلار مەن گەورگيي لەنتاسىن ۇستاپ كەلۋگە تىيىم سالعان.
پىكىر قالدىرۋ