بۇگىن استانا قالاسىنىڭ مامانداندىرىلعان اۋدانارالىق سوتىندا قۋاندىق بيشىمبايەۆ پەن باقىتجان بايجانوۆتىڭ قىلمىستىق ءىسى بويىنشا القابيلەرگە ارنالعان سۇراقتار تالداناتىن بولعان. الايدا سۇراقتاردى تالقىلاۋ دۇيسەنبىگە اۋىستىرىلىپ، بۇگىنگى سوت وتىرىسى 2 مينۋتتا اياقتالعان.
سوت وتىرىسىندا القابيلەر سوت زالىندا بولعان جوق. سونىمەن قاتار، سۋديا ب ا ق وكىلدەرىنەن زالدان شىعۋدى سۇراعان.
كوپ ۇزاماي زالدان شىققان ادۆوكات يگور ۆرانچيەۆ سوت وتىرىسى قاشان جالعاساتىنىن ايتتى.
"قىلمىستىق ءىس بويىنشا قانداي شەشىم شىعاتىنى تالقىلانعان جوق. ءبىز سۇراقتارىمىزدى ۇسىندىق، سۋديا كەڭەسۋ زالىنا كەتتى. 13 مامىر 9:30-عا دەيىن ءۇزىلىس جاريالاندى"، – دەدى ول.
سوت ۇكىمى قاشان شىعاتىنى بەلگىسىز.
