2023 جىلدىڭ ماۋسىمىندا "سەمەي ورمانى" رەزەرۆاتىندا بولعان ورتكە ەكى ادام كىنالى دەپ تانىلدى. ولار 7 جىلعا باس بوستاندىعىنان ايىرىلدى. بۇل تۋرالى اباي وبلىستىق سوتىنىڭ باسپا ءسوز قىزمەتى حابارلادى.
"سوتتالۋشىلاردىڭ ەكەۋىندە دە جاس بالالاردىڭ بولۋى جانە اۋىرلاتاتىن ءمان-جايلاردىڭ بولماۋى تۇرىندەگى جەڭىلدەتەتىن ءمان-جايلاردى ەسكەرە وتىرىپ، سوت ۆ. جانە ك. اتتى ازاماتتاردى كىنالى دەپ تاۋىپ، ءارقايسىسىنا 7 جىل باس بوستاندىعىنان ايىرۋ جازاسىن تاعايىندادى"،– دەلىنگەن حابارلامادا.
ايىپتالۋشىلارعا ابايسىزدا 14 ادامنىڭ ءومىرىن قيدى دەگەن ايىپ تاعىلدى. سوت ۇكىمى زاڭدى كۇشىنە ەنگەن جوق.
پىكىر قالدىرۋ