«قىلمىستىق كودەكستىڭ بابىندا 18 جاسقا دەيىنگى جاۋاپكەرشىلىك قاراستىرىلعان. وتكەن جىلى بىزدە ادام ساۋداسى بويىنشا 19 فاكت تىركەلدى. ىستەردىڭ باسىم كوپشىلىگى اياقتالدى، شامامەن 16-17 ادام جاڭا تۋعان نارەستەلەر ساۋداسى ءۇشىن جاۋاپقا تارتىلدى»، - دەدى مارات قوجايەۆ ءماجىلىس الاڭىندا ب ا ق وكىلدەرىنىڭ ساۋالىنا جاۋاپ بەرىپ.
ونىڭ ايتۋىنشا، بيىل ەلىمىزدە نارەستەلەر ساۋداسى بويىنشا ءۇش فاكتى تىركەلگەن.
«اتالعان بارلىق فاكتى ەلىمىزدە بولدى. ءار ءسابيدىڭ باعاسى 100 مىڭ تەڭگەدەن 2 ميلليون تەڭگەگە دەيىن بارادى»، - دەيدى ول.
وسى ورايدا، بۇگىن ءماجىلىس ادام ساۋداسى مەن ۆانداليزم تۋرالى زاڭ جوباسىن ەكىنشى وقىلىمدا قابىلدادى.
پىكىر قالدىرۋ