كەلىسىمگە سايكەس، رەسەيلىك تاراپ بۇل جۇمىستى جۇرگىزۋگە جەڭىلدىكپەن قارىز بەرۋ مۇمكىندىگىن قاراستىرادى. جوبانى ىسكە اسىرۋ بويىنشا قازاقستان تاراپىنان «سامۇرىق-ەنەرگو» جانە رەسەي تاراپىنان «ينتەر راو — ەكسپورت» جاۋاپتى بولىپ بەلگىلەنگەن.
تاراپتار جەو قۇرىلىسىنىڭ بارلىق پروسەسىن ءۇش كەزەڭگە ءبولدى.
ءبىرىنشى كەزەڭ - جەو-نى كەيىننەن كومىردەن تابيعي گازعا اۋىستىرۋ مۇمكىندىگىن ەسكەرىپ، ءۇش جوبانىڭ ءارقايسى بويىنشا قاجەتتى ساراپتامالار جۇرگىزىپ، جوبالاۋ قۇجاتتاماسىن ازىرلەۋدى قامتيدى. بۇل كەزەڭ «سامۇرىق-ەنەرگو» ەسەبىنەن جۇزەگە اسادى.
ەكىنشى جانە ءۇشىنشى كەزەڭدەردە قاجەتتى جابدىقتاردى جەتكىزۋ، گەنەراسيالايتىن جابدىقتار مەن گاز تازارتۋ جۇيەلەرىن سالۋ-مونتاجداۋ جانە ىسكە قوسۋ-جوندەۋ جۇمىستارى جوسپارلانعان. سونىمەن قاتار قازاقستاندىق تاراپ رەسەي ەكسپورتتىق ۇيىمنان «سامۇرىق-ەنەرگو» كەپىلدىگىمەن جانە تاپسىرىس بەرۋشى قۇقىقتارىنىڭ كەپىلىمەن جەو سالۋعا نەسيە الا الادى.
«رەسەي تاراپى رەسەي فەدەراسياسىنىڭ زاڭناماسىنا سايكەس، ەكسپورتتى مەملەكەتتىك قولداۋ تەتىكتەرىنىڭ تالاپتارىن ساقتاي وتىرىپ، رەسەيلىك قارجىلاندىرۋ ۇيىمدارى ۇسىناتىن نەسيەلەر بويىنشا رەسەيلىك ءوندىرىستىڭ جوعارى تەحنولوگيالىق ونىمدەرىن، كەلىسىمشارتتار بويىنشا جۇمىستار مەن قىزمەتتەردى جەتكىزۋدى قارجىلاندىرۋ ماقساتىندا جەڭىلدەتىلگەن (سۋبسيديالانعان) پايىزدىق مولشەرلەمەلەردى ۇسىنۋ مۇمكىندىگىن قاراستىرادى»، — دەپ جازىلعان كەلىسىمدە.
ەنەرگەتيكا مينيسترلىگى جەو سالۋ جۇمىستارى راتيفيكاسيالاۋ ءراسىمى اياقتالعاننان كەيىن عانا باستالاتىنىن اتاپ ءوتتى.
پىكىر قالدىرۋ