سىرتى اق مارمارمەن كومكەرىلگەن رۋحاني ورتالىقتىڭ اۋماعى 12 گەكتاردى الىپ جاتىر. ال ونىڭ ىشىنە 12 مىڭ ادام سيادى. سەيتجان قاري ەسىمى بەرىلگەن قۇلشىلىق ورنىن بەلگىلى كاسىپكەر سەرىكجان سەيتجانوۆ سالعان. 

“وسىنداي دەڭگەيگە جەتۋگە ءبىرىنشى اللا، ەكىنشى بابالارىمىز، ءۇشىنشى ءوزىمنىڭ اكەمە ارناپ سول كەزدە اكەمىزدە 6 جاستان باستاپ 12 جاستا قۇراندى جاتتاپ العان قاري بولعان كىسى. وسى جاعدايدىڭ ءبارى اتامىزدان، اكەمىزدەن تاراعان. ال ەندى سونىڭ ۇلكەن سالتاناتتى اقمەشىتتىڭ اشىلۋىنا كەلىپ وتىرمىز. سىزدەرگە مىڭ دا ءبىر راقمەت!” – دەدى كاسىپكەر. 

مەشىتتىڭ اشىلۋىنا ساۋد ارابياسىنان ارنايى كەلگەن شەيح كەستى. قۇراندى بىرنەشە تىلدە قاعاز بەتىنە تۇسىرگەن كالليگرافتىڭ اتاسى قازاق ەكەن. اتامەكەنىمە كەلگەنىمە قۋانىشتىمىن دەگەن قۇرمەتتى قوناق جۇمادا جينالعان جاماعاتقا اق باتاسىن بەردى. 

شەيح وسمان توھا، كالليگراف:

“بۇل جەرگە ءبىرىنشى رەت كەلىپ وتىرمىن. قازاقستان تۋرالى، قازاقتار تۋرالى ايتار بولسام ولار سونداي جومارت حالىق ەكەن. اقكوڭىل. جۇرەكتەرىندە دىنگە دەگەن، قۇرانعا دەگەن ماحاببات بار. وسىنداي حالىقتىڭ ورتاسىنا كەلگەنىمە مەن قۋانىشتىمىن”،- دەيدى.   

P.S: عيماراتتا 1100 ورىنعا ارنالعان كونفەرەنس-زال، 600 ورىنعا ارنالعا اس بەرۋ ورنى، 100 ورىنعا ارنالعان نەكە قيۋ زالى، 428 ورىنعا اارنالعان كىشى دارەت الۋ ورنى، مەدرەسە مەن كىتاپحانا بار.