ايزادا امانگەلدى قىزى 1970 جىلى پاۆلودار وبلىسىنا قاراستى جەلەزين اۋدانىنىڭ اباي اۋىلىندا دۇنيەگە كەلگەن. 

1992 جىلى پاۆلودار پەداگوگيكالىق ينستيتۋتىن، 2015 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ماگيستراتۋراسىن «مەملەكەتتىك جەرگىلىكتى باسقارۋ» ماماندىعى بويىنشا ءتامامداعان.

ەڭبەك جولىن 1992 جىلى ماي اۋدانىنداعى اقشيمان ورتا مەكتەبىنىڭ ورىس ءتىلى مەن ادەبيەتى ءمۇعالىمى بولىپ باستاعان. التى جىل ديرەكتوردىڭ تاربيە ءىسى جونىندەگى ورىنباسارى، سودان كەيىن سول مەكتەپتىڭ ديرەكتورى بولدى. 

1998-2002 جىلدارى ەكىباستۇز قالاسىنداعى №10 ورتا مەكتەپتە ءمۇعالىم جانە ديرەكتوردىڭ تاربيە ءىسى جونىندەگى ورىنباسارى بولىپ ەڭبەك ەتتى.

2002 جىلى مەملەكەتتىك قىزمەتكە اۋىستى. ەكىباستۇز قالاسى ىشكى ساياسات ءبولىمىنىڭ باستىعى، اتالعان قالا اكىمىنىڭ ورىنباسارى جانە پاۆلودار وبلىسى ىشكى ساياسات باسقارماسىنىڭ باستىعى قىزمەتتەرىن اتقاردى.

2011 جىلدان 2014 جىلعا دەيىن لەبياجى اۋدانىنىڭ اكىمى بولدى. 

2014 جىلدان باستاپ 2016 جىلعا دەيىن – «نۇر وتان» پارتياسى پاۆلودار وبلىستىق فيليالى ءتوراعاسىنىڭ ءبىرىنشى ورىنباسارى.

2016 جىلعى ناۋرىزدان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى بولدى.

2020 جىلدىڭ شىلدەسىنەن پاۆلودار وبلىسى اكىمىنىڭ ورىنباسارى قىزمەتىن اتقارىپ كەلدى.