پەتيسيا ەكونوميكانىڭ مۇناي مەن رەسۋرستارعا تاۋەلدىلىگىن ازايتۋ ءۇشىن ەلدە جاڭا كاسىپورىندار اشۋدى كوزدەيدى. 

«جاڭا زاۋىتتار مەن فابريكالار قۇرۋ ءبىزدىڭ ازاماتتارىمىز ءۇشىن مىڭداعان جۇمىس ورىندارىن قامتاماسىز ەتەدى، قازاقستاندىقتارعا وتاندىق ازىق-تۇلىك ونىمدەرىن، ۇيلەردى، اۆتوموبيلدەردى، دارى-دارمەكتەردى ساتىپ الۋعا مۇمكىندىك بەرەدى، ىشكى نارىقتى ءوز تاۋارلارىمەن قامتاماسىز ەتەدى"، - دەپ ۇندەيدى قازاقستاندىقتار.

جەرگىلىكتى ءوندىرىستى دامىتۋ لايىقتى جالاقى قامتاماسىز ەتۋ جانە ءومىر ءسۇرۋ ساپاسىن جاقسارتۋ ارقىلى ءار وتباسىنىڭ تابىسىن ارتتىرادى.

«ءاربىر ءوندىرىس – وتباسىلى، بالالى-شاعالى ەڭبەك ادامدارىنىڭ ارمياسى. جەرگىلىكتى ءوندىرىس ەكونوميكانىڭ جاڭا سەكتورلارىن دامىتا وتىرىپ، كاسىپكەرلىك پەن يننوۆاسيا ءۇشىن جاڭا مۇمكىندىكتەر اشادى. مۇنى ۇكىمەت قولداۋى ءتيىس. تاۋارلار مەن ماتەريالداردىڭ جەرگىلىكتى ءوندىرىسىن ىنتالاندىرۋ حالىق ءۇشىن ءقاۋىپسىز جانە ەكولوگيالىق تازا ورتا قۇرۋعا ىقپال ەتەدى. جاڭا تەحنولوگيالاردى قولداۋعا ىشكى نارىقتى ءقاۋىپتى ونىمدەردەن قورعاۋ شارالارىنىڭ ارقاسىندا قول جەتكىزۋگە بولادى»، - دەلىنگەن قۇجاتتا.

جۇمىسشىلار قازىرگى ۋاقىتتا ەل ءوزىن اۋىلشارۋاشىلىق ونىمدەرىمەن تولىق قامتاماسىز ەتە المايدى دەپ جازادى.

"ءسۇت ونىمدەرىن ءوندىرۋ، ەت، فارماسيەۆتيكا، مەتاللۋرگيا، ماشينا جاساۋ، اۆتوموبيل جاساۋ سياقتى سالالاردا يمپورتتىڭ جوعارى ۇلەسىنە قاراماستان، ءوسۋدىڭ زور الەۋەتى بار. وسى سەكتورلاردى دامىتۋ ءبىزدى ساپالى جانە ءقاۋىپسىز ونىمدەرمەن قامتاماسىز ەتەدى، ەلىمىزدىڭ تاۋەلسىزدىگىن ارتتىرادى جانە ءاربىر ازاماتتىڭ ءومىرىن جاقسارتادى. پروتەكسيونيزمنىڭ قاتاڭ شارالارىن ەنگىزۋ جانە وتاندىق بيزنەستى قولداۋ – بارلىق دامىعان الەمدىك دەرجاۆالاردىڭ كەڭ تارالعان جانە ءتيىمدى تاجىريبەسى. ەشكىم ءوزىنىڭ ەكونوميكالىق تاۋەلسىزدىگىن باسقانىڭ جەكە مۇددەسى ءۇشىن بەرمەيدى. اقشا ەل ىشىندە قالۋى كەرەك!»، - دەپ جازادى ادامدار.

سونداي-اق، قۇجاتتا ولار ۇكىمەتتى تاۋارلاردىڭ ەل اۋماعىنا كىرەتىن سۇر يمپورتقا توسقاۋىلدى كۇشەيتۋگە جانە وتاندىق ءوندىرىستى قولداۋ شارالارىنىڭ تيىمدىلىگىن ارتتىرۋعا شاقىرادى.

پەتيسيا رەسمي سايتتا 25 مامىردا پايدا بولدى. ونى 9 مىڭنان استام ادام قولدادى.