2023 جىلى الماتى قالاسىنىڭ جالپى وڭىرلىك ءونىمى ناقتى ماندە 10،1% - عا ۇلعايىپ، 24،8 ترلن تەڭگەنى قۇرادى، بۇل سوڭعى 10 جىلداعى رەكوردتىق كورسەتكىش بولىپ تابىلادى دەپ حابارلايدى Qamshy.kz اقپارات اگەنتتىگى. 

ەكونوميكانى دامىتۋدىڭ درايۆەرلەرى وڭدەۋ ونەركاسىبى (+17،5%)، ساۋدا (+14،5%)، قارجى جانە ساقتاندىرۋ قىزمەتى (+12،0%)، اقپارات جانە بايلانىس (+11،3%)، جىلجىمايتىن مۇلىكپەن وپەراسيالار (+6،9%)، كولىك جانە قويمالاۋ (+5،7%) بولدى.

مەگاپوليس ەكونوميكاسىنىڭ دامۋى جوعارى ينۆەستيسيالىق جانە ىسكەرلىك بەلسەندىلىكپەن قاتار ءجۇردى. 2023 جىلى الماتى قالاسىنا نەگىزگى كاپيتالعا 25،3% وسىممەن 1،8 ترلن تەڭگە ينۆەستيسيا تارتىلدى، بۇل رەتتە جەكە ينۆەستيسيالار 35،5% - عا ءوستى. وتكەن جىلى شاعىن جانە ورتا بيزنەس سۋبەكتىلەرى ناقتى ءوسىمى 15،8% - عا 19،3 ترلن تەڭگەگە ءونىم شىعاردى. بەلسەندى جۇمىس ىستەپ تۇرعان بيزنەس سۋبەكتىلەرىنىڭ سانى 340،1 مىڭ بىرلىكتى قۇرادى، بۇل 2022 جىلمەن سالىستىرعاندا 16،2% - عا ارتىق.

ەكونوميكانىڭ قارقىندى دامۋى جۇمىسسىزدىق دەڭگەيىن 2022 جىلعى 5% - دان 2023 جىلى 4،8% - عا دەيىن تومەندەتۋگە مۇمكىندىك بەردى. جالپى الماتى قالاسىنىڭ قازاقستاننىڭ جالپى ىشكى ونىمىندەگى ۇلەسى 20،6% - عا دەيىن ءوستى.