وسىعان وراي، ەل پرەزدەنتى قاسىم-جومارت توقايەۆتىڭ تاپسىرماسى بويىنشا رەسپۋبليكالىق انالار كەڭەسى مەن ونىڭ وڭىرلىك بولىمشەلەرى «مادەنيەتتى انا – مادەنيەتتى ۇلت» جوباسىن ىسكە اسىرۋدا.

ونداعى باستى ماقسات – وتباسىلىق قۇندىلىقتاردى، ۇلتتىق داستۇرلەردى ساقتاۋ جانە وسكەلەڭ ۇرپاقتى تاربيەلەۋ بولىپ تابىلادى. وسى ورايدا، الماتى وبلىسى «قوعامدىق كەلىسىم» كمم جىلدا «مادەنيەتتى انا – مادەنيەتتى ۇلت!» جوباسى اياسىندا «باقىتتى انا – باقىتتى بالا» تاقىرىبىندا ايەلدەردىڭ جەكە دامۋى مەن رۋحاني ءوسۋى بويىنشا كونفەرەنسيا وتكىزىپ تۇرادى. ونداعى باستى ماقسات – قوعامداعى ايەل مەن انانىڭ ءرولى، وتباسى قۇندىلىقتارى، وتباسى ينستيتۋتىنىڭ ماڭىزدىلىعى، سونداي-اق جاستار مەن بولاشاق ۇرپاقتى رۋحاني-ادامگەرشىلىك پەن پاتريوتتىق تاربيەلەۋدەگى اتا-انانىڭ ءرولىن ارتتىرا وتىرىپ، الماتى جانە جەتىسۋ وبلىستارى انالار كەڭەستەرىنىڭ جوبانى جۇزەگە اسىرۋدا وزدەرىنىڭ وزىق تاجىريبەلەرىمەن ءبولىسۋ بولىپ تابىلادى.

سونىمەن قاتار وسى جوبا اياسىندا وڭىردەگى اۋداندار بويىنشا «ايالى الاقان، مەيىرىمدى جۇرەك» اتتى اۋداندىق انالار فورۋمىن ءجيى وتكىزەدى. جيىندا الدىمەن وڭىردەن شىققان ءار سالادا جەتىستىككە جەتكەن انالاردىڭ ءومىرباياندارى تانىستىرىلىپ، وبلىسقا ەڭبەگى سىڭگەن ءبىرقاتار انالار مەن اجەلەرگە ارنايى العىسحات تابىستالادى. 

ودان بولەك، جيىندا بولاشاق ۇرپاق تاربيەسى جايىندا اڭگىمە ءوربىتىلىپ تۇرادى. سونىڭ ىشىندە جاستار مەن جاسوسپىرىمدەر اراسىنداعى ەلەكتروندى تەمەكى تۋرالى اڭگىمە دە قوزعالىپ، بولاشاق ۇرپاقتىڭ ەرتەڭگى كۇنى جامان اۋرۋعا شالدىعۋىنىڭ الدىن الادى.

الماتى وبلىسىندا سونداي-اق الداعى كەلە جاتقان «بالالاردى قورعاۋ» مەرەكەسىنە وراي، قازاقستان حالقى اسسامبلەياسىنىڭ حاتشىلىعى ازىرلەگەن جانە بەكىتكەن "مادەنيەتتى انا- مادەنيەتتى ۇلت" رەسپۋبليكالىق جوباسىن ىسكە اسىرۋ جونىندەگى جول كارتاسىن جۇزەگە اسىرۋدا "مەنىڭ وتباسىم-مەنىڭ وتباسىم" وتباسى ينستيتۋتىنىڭ نىعايتۋعا ارنالعان ءبىلىم بەرۋ مەكەمەلەرىندە جاس وتباسىلارى مەن جاس انالارعا ارنايى شارالار وتكىزىلدى.

تاعى ءبىر ايتا كەتەرلىگى، «الماتى وبلىسى ءبىلىم باسقارماسىنىڭ قونايەۆ قالاسى بويىنشا ءبىلىم ءبولىمى» مەملەكەتتىك مەكەمەسىنە قاراستى «اقوزەك اۋىلىنداعى № 10 ورتا مەكتەپ مدشو» كمم 1-سىنىپ وقۋشىلارى اراسىندا «مەنىڭ وتباسىم – مەنىڭ تىرەگىم» تاقىرىبىندا سىنىپ ساعاتى وتكىزىلدى. ونداعى ماقسات – وتباسى تالىم-تاربيەنىڭ نەگىزى ەكەنىن ۇعىندىرۋ، اتا-انا مەن بالا اراسىنداعى سىيلاستىقتى نىعايتۋ. ياعني، ۇرپاقتىڭ ىزىمەن جۇرەتىن نامىسشىل، ەر مىنەزدى، جىگەرلى تۇلعانى دامىتا وتىرىپ، ءوز  ويلارىن اشىق ايتۋعا ۇيرەتۋ، جاۋاپ بەرۋ قابىلەتتەرىن دامىتۋ.

مىنە، وتباسى باقىتى، انا مەن بالانى قورعاۋعا قاتىستى الماتى وبلىسىندا سانالى دا ساپالى بولاشاقتىڭ وسۋىنە ىقپال ەتەتىن شارالار جالعاسىن تاۋىپ كەلەدى.