الماتى وبلىسىنداعى حالىقتىڭ ىشكى كوشى-قون كورسەتكىشى مەن تابيعي ءوسىمى بەلگىلى بولدى. بۇل تۋرالى ۇلتتىق ستاتيستيكا بيۋروسى حابارلادى.

2024 جىلعى 1 ساۋىردەگى جاعداي بويىنشا وبلىس حالقىنىڭ سانى 1537،9 مىڭ ادامدى قۇرادى، سونىڭ ىشىندە قالالىقتار – 248،2 مىڭ ادامدى قۇراپ 16،1%-دى كورسەتسە، اۋىلدىقتار سانى 1289،7مىڭ ادام بولىپ،  83،9 پايىزدى قۇرادى.

"وڭ كوشى-قوننىڭ ايىرماسى قالىپتاستى جانە 896 ادامدى قۇرادى (2023 جىلعى قاڭتار-ناۋرىزدا - 942 ادام)، ونىڭ ىشىندە سىرتقى كوشى-قوندا 728 ادام وڭ كوشى-قون ايىرماسى (719)، ىشكى كوشى قوندا وڭ كوشى-قوننىڭ ايىرماسى – -168 (223 ادام)"-دەلىنگەن رەسمي مالىمدەمەدە. 

سونىمەن قاتار، حالىقتىڭ تابيعي ءوسىمى دە ارتقان. تابيعي ءوسىم 2024 جىلعى قاڭتار مەن ناۋرىز ايىنىڭ ارالىعىندا 5811 ادامدى قۇرادى. بۇل كورسەتكىش وتكەن جىلدىڭ سايكەس كەزەڭىندە 5 637 ادامدى قۇراعان بولاتىن.  ال 2024 جىلعى قاڭتار-ناۋرىزدا جاڭادان تۋىلعان سابيلەر الدىڭعى جىلعى سايكەس كەزەڭدەگىدەن 2،0% وسسە، شەتىنەگەندەر تىركەلىمى 0،5%-عا ازايعان.

ايتا كەتەيىك، حالىقتىڭ تابيعي ءوسىمى بەلگىلى ءبىر ۋاقىت ارالىعىندا تۋىلعان ادامدار  مەن قايتىس بولعان ادامدار سانى اراسىنداعى ايىرماسى ارقىلى ەسەپتەلەدى. ەگەر تۋىلعانداردىڭ سانى قايتىس بولعانداردىڭ سانىنان اساتىن بولسا، حالىقتىڭ تابيعي ءوسىمى وڭ كورسەتكىش كورسەتەدى.