ماسەلەن، الماتى وبلىسىندا مامىر ايىندا كاسىپكەرلەردى قولداۋعا قاتىستى دارا كاسىپكەرلەر مەن زاڭدى تۇلعالاردى ياعني، ءىرى كاسىپكەرلىك سۋبەكتىلەرىن قوسپاي، الەۋمەتتىك كاسىپكەرلىك سۋبەكتىلەرىنىڭ تىزىمىنە قوسۋعا قۇجاتتاردى قابىلداۋ تۋرالى حابارلاندىرۋ جاريالادى. وندا الەۋمەتتىك-كاسىپكەرلىككە تومەندەگى تىزىمدەگىدەي كاسىپكەرلەر ەنگىزۋگە ۇمىتكەر بولا الاتىنىن حابارلايدى. 

ياعني، 1-سانات بويىنشا حالىقتىڭ الەۋمەتتىك وسال توپتارىن جۇمىسپەن قامتۋعا ىقپال ەتەتىن الەۋمەتتىك كاسىپكەرلىك سۋبەكتىلەرى مەن مۇگەدەكتىگى بار ادامدار جانە مۇگەدەكتىگى بار بالا تاربيەلەپ وتىرعان اتا-انالار مەن وزگە دە زاڭدى وكىلدەر كىرەدى. ودان بولەك، زەينەتكەرلەر جانە زەينەتكە دەيىنگى زەينەتاقى تولەمدەرىنە قۇقىق بەرەتىن جاسقا كەلگەنگە دەيىن بەس جىل بويى جاستاعى ازاماتتار جاسىنا بايلانىستى الا الادى. سونداي-اق تاربيەلەنۋشىلەر مەن بالالار ۇيلەرىنىڭ، جەتىم بالالار مەن اتا-اناسىنىڭ قامقورلىعىنسىز، قاراۋسىز قالعان بالالارعا ارنالعان مەكتەپ-ينتەرناتتاردىڭ تۇلەكتەرى، ونىڭ ىشىندە  جيىرما توعىز جاسقا دەيىنگى جاسوسپىرىمدەر مەن جاستار كىرەدى.

سونىمەن قاتار 12 اي ىشىندە قىلمىستىق-اتقارۋ جۇيەسى مەكەمەلەرىنەن جازاسىن وتەۋدەن بوساتىلعان ادامدار  مەن  بەلگىلى ءبىر تۇرعىلىقتى جەرى جوق ادامدار، از قامتىلعان، كوپبالالى نەمەسە تولىق ەمەس وتباسىلارعا جاتاتىن اتا-انالار،  باسقا دا زاڭدى وكىلدەردەن بولەك، "التىن القا"، "كۇمىس القامەن» ناگرادا العان نەمەسە بۇرىن "باتىر انا" اتاعىن العان، سونداي-اق I جانە II دارەجەلى "انا داڭقى" وردەندەرىمەن ماراپاتتالعان كوپبالالى انالار، ناركولوگيالىق ناۋقاستاردى مەديسينالىق-الەۋمەتتىك وڭالتۋدان نەمەسە پسيحيكاعا بەلسەندى اسەر ەتەتىن زاتتارعا تاۋەلدىلىكتى ەمدەۋدەن وتكەن ادامدار، 12 اي ىشىندە وڭالتۋ نەمەسە ەمدەۋ جۇرگىزىلگەن جانە قانداستار.

ال ەكىنشى ساناتقا قاتىستى ءبىرىنشى ساناتتاعى حالىقتىڭ الەۋمەتتىك وسال توپتارىنىڭ تاۋارلارىن ساتۋعا، جۇمىستاردى ورىنداۋعا، قىزمەتتەر كورسەتۋگە ىقپال ەتەتىن الەۋمەتتىك كاسىپكەرلىك سۋبەكتىلەردى ورىندايدى. ال ءۇشىنشى سانات بويىنشا تاۋارلاردى ءوندىرۋ مەن جۇمىستاردى ورىنداۋ، ءبىرىنشى ساناتتاعى حالىقتىڭ الەۋمەتتىك وسال توپتارىنا قىزمەت كورسەتۋ جونىندەگى قىزمەتتى جۇزەگە اسىراتىن الەۋمەتتىك كاسىپكەرلىك سۋبەكتىلەردى، الەۋمەتتىك-تۇرمىستىق، ازاماتتاردى كۇتۋ، دەنساۋلىق جاعدايىن باقىلاۋ بويىنشا الەۋمەتتىك-مەديسينالىق جانە الەۋمەتتىك ورتاعا بەيىمدەلۋ ءۇشىن پسيحولوگيالىق جاعدايدى تۇزەتۋ بويىنشا الەۋمەتتىك-مەديسينالىق، مىنەز-قۇلىقتاعى اۋىتقۋلاردىڭ الدىن الۋ بويىنشا الەۋمەتتىك-مەديسينالىق، جۇمىسقا ورنالاسۋعا جانە ەڭبەككە بەيىمدەلۋگە جاردەمدەسۋ جونىندەگى قىزمەتتەر مەن كوممۋنيكاسيانى ارتتىرۋ، وڭالتۋ، الەۋمەتتىك قىزمەتتەر مەن بەيىمدەۋ، الەۋمەتتىك سۇيەمەلدەۋ بويىنشا قىزمەتتەر كىرەدى.

ودان بولەك، مەديسينالىق تەحنيكا مەن پروتەزدەردى، ورتوپەديالىق قۇرالداردى ءوندىرۋ، اۋرۋلاردىڭ الدىن الۋ، مۇگەدەكتەردى وڭالتۋ ءۇشىن عانا پايدالانىلاتىن دەنساۋلىق ساقتاۋ سالاسىنداعى مۇگەدەكتەر مەن زەينەتكەرلەردىڭ دەمالىسى مەن ساۋىعۋىن ۇيىمداستىرۋ، قوسىمشا ءبىلىم بەرۋدىڭ باعدارلامالارى، مۇگەدەكتەر مەن حالىقتىڭ موبيلدىگى تومەن توپتارى ءۇشىن ينفراقۇرىلىم وبەكتىلەرىنە جاعداي جاساۋ جانە ولارعا قول جەتكىزە الادى.

سونىمەن قاتار سوڭعى 4-سانات بويىنشا، كەلەسى قىزمەت تۇرلەرىندە جۇمىستى جۇزەگە اسىرۋشى الەۋمەتتىك كاسىپكەرلىك سۋبەكتىلەرى مەن وتباسىن نىعايتۋعا، انا مەن بالانى قولداۋعا باعىتتالعان پسيحولوگيالىق-پەداگوگيكالىق جانە وزگە دە قىزمەتتەر، مەكتەپكە دەيىنگى تاربيە مەن وقىتۋدىڭ، باستاۋىش، نەگىزگى ورتا، جالپى ورتا ءبىلىم بەرۋدىڭ، تجكب ءبىلىم بەرۋ باعدارلامالارىن ىسكە اسىرۋعا مۇمكىندىگى شەكتەۋلى بالالار مەن پسيحولوگيالىق-پەداگوگيكالىق قولداۋ، الەۋمەتتىك وقۋدا، دامىتۋدا جانە الەۋمەتتىك بەيىمدەلۋدە قيىندىقتارعا تاپ بولعان ادامدارعا كومەكتەسەدى. ال الەۋمەتتىك وقىتۋ مەن بىلىكتىلىگىن ارتتىرۋعا باعىتتالعان الەۋمەتتىك كوممەرسيالىق ەمەس ۇيىم قىزمەتكەرلەرى مەن ەرىكتىلەرى، مادەني-اعارتۋ قىزمەتىنە كىرەتىن جەكە مۇراجايلار، تەاترلار، كىتاپحانالار، مۇراعاتتار، مەكتەپ-ستۋديالار، شىعارماشىلىق شەبەرحانالار، بوتانيكالىق جانە زوولوگيالىق باقتار، مادەنيەت جانە حالىق شىعارماشىلىعى ۇيلەرى مەن قورشاعان ورتانى قورعاۋ سەكىلدى حالىقتىڭ الەۋمەتتىك وسال توپتارىنا گەرياتريالىق جانە گەرونتولوگيالىق كومەك كورسەتۋ، دەنساۋلىق ورتالىقتارىن، سالاۋاتتى ءومىر سالتى بويىنشا ءىس-شارالاردى ۇيىمداستىرۋ جونىندەگى قىزمەتتەر تىزىمگە قوسىلا الادى.